U aŭtorak 15 śniežnia ŭ Kastryčnickim rajonnym sudzie Minska buduć sudzić Lizavietu Bursavu — za bieł-čyrvona-bieły ściah na bałkonie jaje kvatery na Asanalijeva, 58.
Žančynie 87 hadoŭ, jana ŭratavałasia ŭ vajnu. Voś što pra jaje raskazvaje jaje plamieńnik, doktar historyi Alaksandr Bieły:
«Kali kazać pra nacyzm, jaki nibyta ŭvasablaje bieł-čyrvona-bieły ściah. Razam z majoj babulaj Frumaj i maim baćkam Valeryjanam jany zdoleli ŭciačy ź Viciebska na apošnim evakuacyjnym ciahniku ŭ lipieni 1941 hoda i tamu nie byli zabityja nacystami. A 16 našych svajakoŭ Šejninych byli zabityja ŭ Viciebskim i Biešankovickim hieta. Jašče troje Šejninych, jaje rodnyja dziadźki, zahinuli na frantach vajny sa zbrojaj u rukach. Tamu da nacyzmu ŭ ciotki Lizaviety svaje rachunki».
Jon kaža, što Lizavieta — najstarejšaja u ich siamji, i apošniaja, chto ŭ dziacinstvie razmaŭlaŭ na idyš.
«U 1950-ch jana była šmatrazovaj čempijonkaj i rekardsmienkaj BSSR i Biełaruskaj vajskovaj akruhi pa kulavoj stralbie, rekardsmienka SSSR. Baraniła honar Biełarusi na ahulnasajuznych i mižnarodnych spabornictvach, kali jašče Łukašenki navat na śviecie nie było», — piša Aleś Bieły.