Za źniavahu dziaržaŭnaha ściaha minčuk pavinien vypłacić 10 800 rubloŭ, paviedamlajuć pravaabaroncy.

U sudzie Savieckaha rajona horada Minska 10 śniežnia prajšło sudovaje pasiadžeńnie nad Alaksandram Harankovym. Minčuka abvinavacili ŭ źniavazie dziaržaŭnaha ściaha Respubliki Biełaruś (artykuł 370 Kryminalnaha Kodeksa).

Zhodna z abvinavačańniem Harankoŭ 24 kastryčnika ŭ pieryjad času z 21.50 da 22.10, publična sarvaŭ ściah, jaki znachodziŭsia na draŭlanym macavańni (vulica Čyrvonaja, 20). Paśla čaho kinuŭ dziaržaŭny ściah na prajeznuju častku. Tym samym publična źniavažyŭ čyrvona-zialony ściah.

Paśla hetaha Harankova zatrymali. Na śledstvie jon adrazu ŭsio raspavioŭ, a taksama kampiensavaŭ škodu za košt ściaha i jaho macavalnika — 30 rubloŭ i 50 kapiejek.

Dziaržabvinavaŭca prapanavaŭ aštrafavać mužčynu na 10 800 rubloŭ. Taki prysud i vyniesła sudździa Žukovič.

Клас
0
Панылы сорам
0
Ха-ха
0
Ого
0
Сумна
0
Абуральна
0