NAK Biełarusi prakamientavaŭ sankcyi Mižnarodnaha alimpijskaha kamiteta, jaki zabaraniŭ udzieł u Alimpijadzie amal usim členam Vykankama NAK, uklučajučy Alaksandra i Viktara Łukašenku, a taksama Dźmitryja Baskava, a taksama prypyniŭ finansavańnie kamiteta.

noc.by

noc.by

«Pazicyja MAK aceńvajecca nami jak praduziataja, zasnavanaja na anhažavanym i paviarchoŭnym vyvučeńni situacyi ŭ Respublicy Biełaruś. NAK Biełarusi vykazvaje zakłapočanaść, što kiraŭnictva MAK pry pryniaćci asobnych punktaŭ rašeńnia mahło być padvierhnuta palityčnamu cisku», — havorycca ŭ zajavie.

«My ščyra ličym, što sport zaŭsiody pavinien być pa-za palitykaj. Adnak pryniatyja časovyja miery ŭ dačynieńni da praktyčna ŭsich členaŭ vykankama NAK Biełarusi, a taksama prypynieńnie finansavańnia šerahu sumiesnych prahram ličym rašeńniem, adroznym ad asnovatvornych pryncypaŭ i kaštoŭnaściaŭ alimpizmu, jakija nie spryjajuć u poŭnaj miery raźvićciu alimpijskaha ruchu. My razhladajem hetaje rašeńnie jak palityčna matyvavanaje, nakiravanaje na akazańnie cisku na kiraŭnictva biełaruskaha NAK».

NAK apieluje da Alimpijskaj chartyi, mižnarodnaha i biełaruskaha spartyŭnaha zakanadaŭstva. «U našaj krainie stvorany ŭsie ŭmovy dla spartsmienaŭ, jakija viaduć płanamiernuju padrychtoŭku da hałoŭnych startaŭ čatyrochhodździa i buduć vystupać pad dziaržaŭnym fłaham na budučych hulniach», — zaznačaje NAK, kažučy, što zaŭsiody adkryty da dyjałohu i hatovy prymać miery suprać lubych formaŭ dyskryminacyi, jakija nanosiać škodu alimpijskamu ruchu.

Клас
0
Панылы сорам
0
Ха-ха
0
Ого
0
Сумна
0
Абуральна
0