Padčas Maršu susiedziaŭ siłaviki zatrymali 30-hadovaha dyzajniera Jana K. Uviečary ŭ internecie apublikavali videa ź jaho vybitymi «pryznańniami», źniatymi ŭ busie siłavikoŭ.
— Data i hod naradžeńnia?!
— 21 kastryčnika … hoda.
— Pracuješ dzie?!
— Addalena.
— U sensie addalena, ***?!
— Dyzajnier.
— Jakaja arhanizacyja, ***?!
— Dyzajnier ja, blin, jaki sajty robić.
— Dzie žyvieš?! (Tut źbity mužčyna sploŭvaje kroŭ.) Nie plujsia, ***! Za što zatrymali?!
— Zatrymali za toje, što chadziŭ pa vulicy.
— Hladzi ŭ kamieru, ***!
— Zatrymali za toje, što chadziŭ pa vulicy, łajaŭsia matam.
— Što papiaredničała tvajmu zatrymańniu tolki što, ***?!
— Isteryka i maciuki ŭ vaš bok.
— Što ty supracoŭnikam pakazaŭ?!
— Rukami pakazvaŭ «idzi siudy» — usio.
— Pryjšli my da ciabie — i dalej?! Nu, što ty chočaš skazać mnie?!
— Prabačcie mnie, kali łaska, chłopcy, ja durań i ničoha takoha nie treba rabić.
— Chto tvoj prezident, ***?!
— Prezident — Alaksandr Ryhoravič Łukašenka.
— Kaho lubiš, ***?!
— Biełaruś.
— Siłavym strukturam što chočaš skazać, ***?!
— Krutyja mužyki, viedajuć, jak vybić duryki z hałavy.
***
Urešcie imia Jana K. źjaviłasia ŭ śpisie zatrymanych, jakich zabrali ź milicyi ŭ balnicu.
«U mianie strasieńnie mozhu, złamany nos, raskolina, taksama paciarpieła levaja ščaka, — skazaŭ Jan partału Onliner.by. — Pa samaadčuvańni… Lažać mahu, siadzieć ciažka».
Artykuł 128 Kryminalny kodeks Biełarusi praduhledžvaje adkaznaść za katavańni — ad 7 da 25 hadoŭ źniavoleńnia, albo pažyćciovaje źniavoleńnie, albo rasstreł.
Pavodle Kryminalnaha kodeksa, katavańnie — luboje dziejańnie, jakim niejkaj asobie naŭmysna pryčyniajucca mocny bol, fizičnyja abo psichičnyja pakuty ŭ metach prymusu asoby da dziejańniaŭ, jakija supiarečać jaje voli, u tym liku kab atrymać ad ich źviestki abo pryznańni, a taksama z metaj pakarańnia abo ź inšymi metami abo pa luboj pryčynie, zasnavanaj na dyskryminacyi luboha charaktaru, kali taki bol albo pakuty pryčyniajucca dziaržaŭnaj słužbovaj asobaj, jakaja vystupaje ŭ aficyjnaj jakaści.