Siońnia ŭ Minsku piensijaniery sabralisia na čarhovy Marš. Jany tradycyjna źbirajucca na płoščy Niezaležnaści, kab prajści šeściem pa praśpiekcie.
Hetym razam siłaviki nie dali prajści Maršu i 300 mietraŭ, zabłakavaŭšy praśpiekt na rahu z Vaładarskaha.
Ludzi rušyli ŭ abychod pa Vaładarskaha. Zatym siłaviki pieraharadzili darohu i tam, u rajonie Haradskoha Vała. Prachodziačy kala SIZA №1 na Vaładarskaha, ludzi skandavali «Vypuskaj!»
Zatym jany rušyli ŭ bok Ramanaŭskaj słabady i dajšła da Frunzienskaj.
Radyjo Svaboda
Adnak častka piensijanieraŭ zmahła prarvacca praz ačapleńnie i prajści pa praśpiekcie da HUMa, dzie im znoŭ zabłakavali prachod.
Tady kałona raźviarnułasia i pajšła nazad, paralelna im biažyć vialikaja kolkaść siłavikoŭ i jeździać aŭtobusy.
Takim čynam, u Minsku siońnia paralelna adbyvajucca dva Maršy. Centr častkova pierakryty.
15:50
Častka piensijanieraŭ viarnułasia da SIZA da Vaładarskaha, čytačy Tut.by paviedamili, što niekalki piensijanieraŭ zatrymali i pahruzili ŭ aŭtazaki. Maleńkaja hrupa zdoleła dajści da płoščy Jakuba Kołasa.
***
Maršy piensijanieraŭ prachodziać u paniadziełki. Pieršy prajšoŭ 5 kastryčnika, amal dva miesiacy tamu.
