Sinim — terytoryi, jakija azierbajdžanskaja armija advajavała za paŭtara miesiaca. Čyrvonym — terytoryi, ź jakich armianie vyvieduć vojski ciaham miesiaca. Zialonym — rajony Arcacha, jakija zastanucca pad achovaj rasijskich vajskoŭcaŭ. Biełaja pałoska — daroha z Azierbajdžana ŭ Nachičevań, jakaja adnović funkcyjanavańnie pad kantrolem rasijskich pamiežnikaŭ.

Sinim — terytoryi, jakija azierbajdžanskaja armija advajavała za paŭtara miesiaca. Čyrvonym — terytoryi, ź jakich armianie vyvieduć vojski ciaham miesiaca. Zialonym — rajony Arcacha, jakija zastanucca pad achovaj rasijskich vajskoŭcaŭ. Biełaja pałoska — daroha z Azierbajdžana ŭ Nachičevań, jakaja adnović funkcyjanavańnie pad kantrolem rasijskich pamiežnikaŭ.

Čamu Armienija paciarpieła balučuju parazu ŭ Karabachu? Demakratyja horš pasuje dla vajennaha času, čym dyktatura?

Nie, pryčyna ŭ inšym.

Demakratyčny Izrail paśpiachova pieramahaŭ arabskija dyktatury ŭ adnoj vajnie za druhoj.

Armienija našmat mienšaja i biadniejšaja za Azierbajdžan. 3 miljony žycharoŭ suprać 10. I 13 młrd VUP suprać 45. Pry takoj roźnicy sił možna trymacca na lepšaj arhanizavanaści, matyvacyi, stratehičnaj pieravazie (kantroli vyšyń).

Azierbajdžan prosta traciŭ na armiju ŭ razy bolš hrošaj, i rabiŭ heta dziesiacihodździami.

Dyk jak ža Izrail? Jon ža taksama mienšy, i VUP jaho susiedziaŭ sukupna našmat bolšy.

Izrail mieŭ i maje technałahičnuju pieravahu ŭ zbroi.

Armienija, jak satelit Rasii, vymušana vykarystoŭvała rasijskuju zbroju — pryčym Rasija nie pastaŭlaje satelitam, u tym liku i Armienii, i Biełarusi, najnoŭšyja ŭzbrajeńni. Novaja tureckaja i izrailskaja zbroja na ŭzbrajeńni Azierbajdžana, jak vyjaviłasia, absalutna pieraŭzychodzić toje, što mieli armianie. Armianskija pazicyi prosta rasstrelvali ź bieśpiłotnikaŭ i vysokadakładnymi rakietami. Zdajecca, straty armianskaha boku ŭ hetaj vajnie ŭ razy pieraŭzychodziać straty azierbajdžancaŭ. 

Pašynian raspłačvajecca i za ekanamičnaje adstavańnie — častkova jano tłumačycca karupcyjnymi ŭradami papiarednikaŭ, a častkova niepaźbiežnaje, bo rehijon taki i ludzi masava emihrujuć. Raspłačvajecca i za vajskovuju zaležnaść ad Rasii — jakoj dla Armienii ŭ raniejšaj madeli nie było alternatyvy.

U vyniku Armienija straciła bolš, čym mahła b atrymać u vyniku kampramisu ŭ kancy 1990-ch ci na pačatku 2000-ch. Eks-prezident Ter-Pietrasian, jakoha ŭ svoj čas adchiliŭ ad ułady «arcachski kłan» za jaho namier pajści na kampramis z Alijevym pa formule «terytoryi ŭ abmien na mir», ciapier moža z poŭnym pravam skazać: a ja mieŭ racyju.

Ci aznačaje heta, što zaraz Armienija pačnie drejf u bok Jeŭrasajuza i NATA? Nie, bo ŭ takim vypadku Rasija vyvieła b miratvorcaŭ z tych rajonaŭ Arcacha, jakija zastajucca armianskimi i abaranić jakija ŭ novaj situacyi nie ŭjaŭlajecca mahčymym.

Nacyjanalnyja śviatyni, maralny abaviazak pierad armianami Arcacha, pryviazvajuć Armieniju da Rasii.

Prykład niepaźbiežnaści ŭ historyi: Nikoł Pašynian, charyzmatyčny lidar, idejny demakrat, prykład adkrytaści ŭ dziaržkiravańni i paśpiachovy zmahar z karupcyjaj, akazaŭsia zakładnikam minułaha, niazdolnym vyrvacca z hieapalityčnych kalain.

Pašynian patłumačyŭ, čamu dalejšy supraciŭ byŭ niemahčymy

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?