Aryna Karšunova sama adličyłasia z 4 kursa BDU ŭ znak padtrymki ŭsich represavanych. Jana — dačka taho samaha Hienadzia Karšunova, jaki da niadaŭniaha času ŭznačalvaŭ Instytut sacyjałohii NAN.

Jana zapisała videa, my apublikavali jaho ŭ svaim telehram kanale.

Voś cytaty ź jaho: 

— My vielmi čakali reakcyi ad supracoŭnikaŭ fakulteta na palityčnuju situacyju ŭ krainie, ale nie dačakalisia navat paśla źbićcia pieršakurśnikaŭ našaha fakulteta. Nivodnaha słova! 

— Nie mahu ŭjavić sabie, što zastajusia vučycca ŭ miescy, dzie ja pavinna vyvučać paniaćci «pravy čałavieka», «svaboda», «vybar», ale samoje hetaje miesca nie spryjaje prajaŭleńniu hetych rečaŭ.

— U padtrymku ŭsich represavanych studentaŭ, navukoŭcaŭ i vykładčykaŭ pa svajoj voli adličvajusia, ja vieru, što ŭ novaj Biełarusi ja viarnusia na FFSN, kab davučycca i atrymać dypłom, ja vieru ŭ studenctva, žadaju ŭsim pośpiechaŭ. Žyvie Biełaruś!

FFSN uznačalvaje Vadzim Hihin. Pa słovach Aryny, paniaćcie vučoby nie abmiažoŭvajecca ŭniviersitetam — jana źbirajecca iści vučycca na profilnyja kursy: IT, zamiežnyja movy, kulturnickija kursy i h. d.

Zajavu na adličeńnie ad jaje pryniali, nie zadaŭšy lišnich pytańniaŭ. 

Клас
0
Панылы сорам
0
Ха-ха
0
Ого
0
Сумна
0
Абуральна
0