U Biełarusi była i budzie šmatviektarnaja źniešniaja palityka. Pra heta Łukašenka zajaviŭ siońnia na sustrečy z kalektyvam MUS, pieradaje BiełTA.

«My ž z vami vydatna razumiejem, čamu stvaryłasia hetaja situacyja. Heta ž nie tolki tamu, što adniekul tam patelefanavali, niejkija Nexta i smarkačy ŭsiakija. My z vami zanadta supakoilisia, žyvučy ŭ cichaj, spakojnaj, čystaj krainie. My dumali, što tak budzie i dalej. Vy dumali. Skažu ščyra, ja nikoli tak nie dumaŭ. I ja napiaredadni vybaraŭ parłamienckich vas papiaredžvaŭ: nam spakojna žyć nie daduć», — skazaŭ Alaksandr Łukašenka.

«Vy bačycie navat ciapier. Kamuści nie padabajecca naša šmatviektarnaja palityka. Navat ciapier mianie tam padkrytykoŭvajuć», — zaŭvažyŭ palityk.

«Tak, u nas była i budzie šmatviektarnaja źniešniaja palityka. Tamu što niemahčyma ci to žuraŭlu, ci to vierabju (jak chočacie nazyvajcie) lacieć na adnym kryle. My hieahrafičny centr Jeŭropy. Kudy nam padziecca? Rasija vydatna pavinna nas razumieć. Tamu što ŭ ich aroł až dvuchhałovy, a nam tady treba čatyrochhałovaha sparadzić», — skazaŭ Łukašenka.

Alaksandr Łukašenka zajaviŭ, što Biełaruś nikoli nie advaročvałasia ad Rasii i nikoli nie advierniecca ad jaje.

«Heta ja kažu i ciapier kiraŭnictvu Rasii. Kali ŭ nas buduć bačyć sapraŭdnaha brata, małodšaha brata, i buduć da nas stavicca, jak da małodšaha brata, abaraniajučy, padtrymlivajučy (tak, jak zrabiŭ Pucin u hety składany čas), my nikoli nie toje što nie kiniem kamień u bok Uschodu i Rasii… Našaj Rasii. Ja nie viedaju, jak vy jaje ŭsprymajecie… Heta maja Rasija. My nikoli tak nie zrobim», — adznačyŭ palityk.

«Rasija — heta naša, ruskija ludzi — heta naša. My absalutna ad ich ničym nie adroźnivajemsia. Tak, heta dźvie krainy. Heta dźvie kvatery (adna vializnaja, druhaja mienšaja), dzie žyvuć samastojna dźvie siamji, ale rastuć z adnaho korania. Voś usia palityka. My budziem rabić usio, što vyhadna dla našaha naroda, nie stvarajučy nikomu nijakich prablem. Voś i ŭsia šmatviektarnaść», — skazaŭ Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0