Da ahulnanacyjanalnaha strajku 27 kastryčnika dałučyŭsia rabotnik abjadnańnia «Naftan» Alaksandar Kucharonak, staršy aperatar ustanoŭki, jaki maje staž pracy na pradpryjemstvie 14 hadoŭ, piša Radyjo Svaboda.

Pra dałučeńnie da strajku jon paviedamiŭ u videazvarocie.

«Skažuć, što strajk niezakonny? Dyk voś ludziej siońnia bjuć nie pa zakonie, a pa ŭsich častkach cieła, nie zvažajučy, heta dziaŭčyna, mužčyna ci pensijaner. Stralajuć u pratestoŭcaŭ taksama nie pa zakonie», — kaža Alaksandar Kucharonak.

Jon zajaŭlaje, što budzie strajkavać da vykanańnia ŭsich patrabavańniaŭ narodnaha ŭltymatumu. Alaksandar Kucharonak zhadvaje, što minuła bolš za 2 miesiacy, jak 3 tysiačy supracoŭnikaŭ «Naftanu» pastavili podpisy pad patrabavańniem adstaŭki Łukašenki dy inšymi, ale ničoha nie źmianiłasia.

«Žyvie ci nie žyvie?» — takimi słovami zakančvaje zvarot da kalehaŭ Alaksandar Kucharonak.

Pavodle krynicy na «Naftanie», pa stanie na 28 kastryčnika Alaksandar Kucharonak adziny, chto strajkuje. Sytuacyju sa strajkam na «Naftanie» krynica nazvała składanaj.

«Pakul strajkujuć adzinki, heta dziejańnie, za jakoje mohuć pakarać pavodle Kryminalnaha kodeksu, bo ŭ nas niebiaśpiečnaja vytvorčaść. Ale pratestavyja nastroi ŭ ludziej nikudy nia źnikli, ludzi sustrakajucca, abmiarkoŭvajuć, što rabić dalej, jak vykazvać svaju pazycyju», — paviedamiła krynica.

Pavodle krynicy, kala prachadnych pradpryjemstva rehularna bačać narady milicyi, aktyŭnych rabotnikaŭ vyklikajuć na razmovy da kiraŭnictva, na ich cisnuć, kab nie padtrymlivali ahulny strajk.

Клас
Панылы сорам
Ха-ха
Ого
Сумна
Абуральна