«Pašoł von, ty i tvoj AMON!» — skanduje kałona žančyn na praśpiekcie Niezaležnaści ŭ Minsku. Žančyn patrabujuć adstaŭki Łukašenki, svabodnych vybaraŭ i adnaŭleńnia zakonnaści ŭ krainie.
Voś videa:
Hetym razam žančyny sabralisia ŭ skviery Simona Balivara, hieroja baraćby za svabodu Łacinskaj Amieryki.
Asoby biez apaznavalnych znakaŭ vyłoŭlivali žančyn z kvietkami i parasonami ŭ nacyjanalnych kolerach na susiednich vulicach, ale ŭsich nie adfiltravali.
Niekalki socień pajšli šeściem.
Z akon susiedniaha Linhvistyčnaha ŭniviersiteta studenty vitali demanstrantak nacyjanalnymi ściahami i radasnymi vokličami.
Paśla hetaha kałona skiravałasia na praśpiekt.
Na marš vychodziać nie ŭsie. Tyja, chto baicca zatrymańniaŭ, prosta hulajuć z kvietkami pa praśpiekcie Niezaležnaści paasobku. Tydzień i dva tydni tamu takich było niekalki tysiač čałaviek. Jany špacyravali na amal trochkiłamietrovym adrezku ad płoščy Niezaležnaści da płoščy Jakuba Kołasa.
Žanočyja pratestu ŭ Minsku pa subotach praciahvajucca ŭžo amal try miesiacy. U paniadziełki na centralny praśpiekt stalicy vychodziać piensijaniery — apošnija tydni ich było niekalki tysiač. A ŭ čaćviarhi svajo šeście stali pravodzić asoby ź invalidnaściu.
Čamu mienavita hetyja hrupy nasielnictva manifiestujuć asobna? Bo łukašenkaŭcy masava zatrymlivajuć svaich praciŭnikaŭ. Za čas prezidenckaj kampanii i paśla jaje adbyłosia ŭžo bolš za 14700 zatrymańniaŭ. Vystupy starych ludziej i invalidaŭ, jakich zatrymlivajuć minimalna, heta jašče i pratesty suprać palityčnaha hvałtu.
