13 kastryčnika a 19:00 u Halerei sučasnaha mastactva «Ŭ» (vuł. Kastryčnickaja, 19) adbudziecca prezientacyja «Narodnaha śpieŭnika».
Na prezientacyi vystupić lidar hurta «Troica» — Ivan Kirčuk, Siaržuk Doŭhušaŭ zładzić «Śpieŭny schod», kapeła «Na Taku» natchnić na supolnyja tancy z narodnym kałarytam, a taksama budzie mahčymaść pabačacca ź lubimymi teatrałami, jakich u zvykłym miescy, pa niekatorych pryčynach, zaraz sustreć nie atrymlivajecca. Rychtujciesia śpiavać, tančyć i natchniacca!
«Narodny śpieŭnik» — heta zbornik piesień (słovy, noty i karotkija źviestki pra ich), jakija biełarusy śpiavali razam u taki važny čas — naradžeńnia i jadnańnia nacyi. U im sabranyja pieśni, jakija biełaruski narod składaŭ stahodździami, a zaraz — hetyja pieśni padtrymlivajuć biełaruski narod. Supolnyja śpievy zaraz asabliva papularnyja ŭ biełarusaŭ, i hety śpieŭnik budzie dobrym dapamožnikam u hetaj spravie.
Jaho admietnaść — heta farmat. Jon źmiaščajecca ŭ kišeń palito/torbački, takim čynam, jaho zaŭsiody možna mieć pad rukoj.
Padčas prezientacyi adbudziecca kancert, na jakim vystupiać:
- Lidar hurta «Troica» — Ivan Kirčuk,
- Hurt «Rada»,
- Astroūna,
- Patrycyja Śvicina,
- Łarysa Simakovič,
- Jahor Džejhała (flejta),
- Kapeła «Na Taku».
A Siaržuk Doŭhušaŭ zładzić «Śpieŭny schod», dzie ŭsie razam zaśpiavajuć pieśni sa zbornika.
Bonus-siurpryz — admysłova zaprošanyja hości, pra jakich vy daviedajeciesia ŭ dzień mierapryjemstva. Spojler: možacie ŭziać z saboj kvietki. Vy budziecie vielmi rady ich bačyć!
Uvachod volny.
Dzie: Halereja sučasnaha mastactva «Ŭ» (Kastryčnickaja, 19 (uvachod z boku vuł. Lenina sa dvara),
Kali: 13 kastryčnika (aŭtorak), 19:00.
Supolny narodny taniec «Try čarapachi» z kapełaj «Na Taku»: