Rasija nikoli nie ŭmiešvajecca va ŭnutranyja spravy inšych dziaržaŭ i zaŭsiody padtrymlivaje dziejnyja ŭłady ŭ imknieńni stabilizavać pratestnyja situacyi. Pra heta prezident Uładzimir Pucin zajaviŭ na sustrečy sa svaim kirhizskim kaleham Saaranbajem Žeenbiekavym, piša RBK.

Prezident Kyrhyzstana paviedamiŭ, što napiaredadni parłamienckich vybaraŭ u krainie «aktyvizavalisia roznyja siły», jakija vystupajuć suprać stabilnaści i raźvićcia, pahražajuć suvierenitetu respubliki. Jon padziakavaŭ Pucinu za padtrymku Rasii, dadaŭšy, što «ŭ ich ničoha nie atrymajecca».

«Vy viedajecie, my nikoli nie ŭmiešvajemsia va ŭnutranyja spravy našych susiedziaŭ, naohuł inšych krain», — adkazaŭ na heta Pucin.

Jon dadaŭ, što, aproč inšaha, Rasija vystupaje za paŭnavartasny dyjałoh pamiž palityčnymi siłami i budzie pavodzić siabie paśladoŭna i ŭ dačynieńni da Kyrhyzstana, akazvajučy ŭ tym liku ekanamičnuju padtrymku.

Клас
0
Панылы сорам
0
Ха-ха
0
Ого
0
Сумна
0
Абуральна
0