Bolš za 100 000 čałaviek vyjšli na Marš pratestu ŭ Minsku, niahledziačy na niaźmienna šmatlikija zatrymańni i pahanaje nadvorje. Hety marš byŭ narodnym adkazam na tajemnuju inaŭhuracyju Łukašenki, jakaja adbyłasia ŭ sieradu absalutna niečakana dla ŭsich. Tamu mnohija nieśli płakaty Cichanoŭskaj.

Kałona sabrałasia la Steły, rušyła pa praśpiekcie Mašerava na Bahdanoviča, źviarnuła na Surhanava i praśpiektam Niezaležnaści prajšła až da Uručča. Łukašenkaŭcy tradycyjna chapali demanstrantaŭ u chvaście kałony. Kałonu pratestoŭcaŭ siońnia supravadžała bryhada miedykaŭ, hatovych pry patrebie akazać pieršuju dapamohu.

Najbolš žorskaje supraćstajańnie ź siłavikami było ŭ Homieli. Łukašenkaŭcy raspylili ślezaciečny haz prosta ludziam u vočy, šmat razoŭ stralali ŭ pavietra. Adnamu chłopcu paščaściła ŭciačy z aŭtazaka, ludzi radasna vitali jaho.

Brutalnyja sutyčki adbylisia ŭ Mahilovie i Hrodnie, dzie łukašenkaŭcy taksama ŭžyvali śpiecsrodki. Razzłavanym haradziencam udałosia adbić u siłavikoŭ niekalki demanstrantaŭ, jakich vałakli pa ziamli ŭ aŭtazak. Hrubyja zatrymańni byli i ŭ Žodzinie.

Vyjšli taksama Salihorsk, Baranavičy, Vaŭkavysk, Babrujsk, Kobryn, Žabinka, Lida, Smarhoń i inšyja.

Armienija i Azierbajdžan pačali bajavyja dziejańni. Urad Armienii ŭvioŭ u krainie vajennaje stanovišča i abviaściŭ usieahulnuju mabilizacyju. Premjer-ministr Pašynian nie vyklučyŭ pryznańnia niezaležnaści Nahornaha Karabacha. My razabralisia, ci pajeduć biełaruskija vojski ŭ Armieniju, kali taja paprosić dapamohi ŭ ADKB.

Padaŭ u adstaŭku pasoł Biełarusi ŭ Arhiencinie Uładzimir Astapienka. Pryčyna — niazhoda z palityčnaj situacyjaj unutry Biełarusi.

Hurt VAL nie pajedzie na «Jeŭrabačańnie» ŭ nastupnym hodzie. Artysty pierakananyja, što rašeńnie BT źviazana ź ich hramadzianskaj pazicyjaj i ŭdziełam u pratestach.

Vyjšaŭ novy vypusk «Toka» ź Cichanoŭskaj, źniaty ŭ Litvie, dzie jana razvažaje pra biełaruski fašyzm, kamientuje abiacańnie Łukašenki źmianić Kanstytucyju i pravieści novyja vybary, dzielicca pohladam na vymušanuju emihracyju biełaruskich lidaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0