U subotu, 26 vieraśnia, na arenie stadyjona PGE Narodowy projdzie kancert «Salidarnyja ź Biełaruśsiu», padčas jakoha zaśpiavajuć słavutyja polskija i biełaruskija zorki. Uvachod na mierapryjemstva — pa biaspłatnym kvitku, jaki možna spampavać tut.
Kancert na PGE Narodowy — simvał padtrymki biełaruskaha hramadstva ŭ baraćbie za demakratyju i svabodu. Situacyja ŭ Biełarusi vyklikaje hłabalnuju zaniepakojenaść, ludzi zmušanyja zmahacca za budučyniu nacyi, ryzykujučy svaim zdaroŭjem i žyćciom. Demanstracyi padaŭlajucca ź biesprecedentnaj žorstkaściu, u vyniku čaho jość zabityja i šmat paranienych. Patrebna dapamoha i padtrymka.
Kancert «Salidarnyja ź Biełaruśsiu» adbudziecca 26 vieraśnia ŭ 20:00 na PGE Narodowy i budzie tranślavacca na telekanale Polsat.
Na scenie PGE Narodowy vystupiać polskija zorki sa słavutymi chitami. My pačujem sapraŭdnyja lehiendy muzyčnaj sceny. Grzegorz Markowski i Darek Kozakiewicz z hurta «Perfect» zaśpiavajuć «My chočam być saboj» («Chcemy być sobą»), Chłopcy z Placu Broni «Ja lublu svabodu» («Kocham Wolność»), a Krzysztof Cugowski «Buntarskuju pieśniu» («Pieśń niepokorną»). Vystupiać taksama Sebastian Riedel, Natalia Nykiel, Igor Herbut, Mr. Zoob, Ira, Paweł Domagała, Enej, Natalia Zastępa, Luxtorpeda, Michał Szpak, Ørganek, Golec uOrkiestra. Artystaŭ budzie supravadžać arkiestr pad kiraŭnictvam Tomaša Šymuša. Nie abydziecca i bieź biełaruskich zorak.
Kancert «Salidarnyja ź Biełaruśsiu» budzie taksama supravadžacca kampanijaj pa zbory srodkaŭ, jakuju pravodziać fond «Biełaruski dom» i asacyjacyja «Inicyjatyva Svabodnaja Biełaruś». Sabranyja srodki buduć nakiravany na dapamohu hramadzianam Biełarusi, jakija vystupajuć z metaj mirnych pieramien, a taksama na akazańnie jurydyčnaj, miedyčnaj i charčovaj dapamohi paciarpiełym, — tłumačyć Alaksandr Zarembiuk z fondu «Biełaruski dom».
Uvachod na kancert mahčymy paśla rehistracyi i zapampoŭki biaspłatnaha kvitka na sajcie koncertbialorus.pgenarodowy.pl. Kolkaść kvitkoŭ abmiežavanaja. Raspaŭsiud pačniecca 15 vieraśnia 2020 hoda. Arhanizatar raić razdrukavać bilet, što paspryjaje bolš spraŭnamu ŭvachodu hledačoŭ na arenu. Kvitki imiannyja. Niama mahčymaści źmieny proźvišča na kvitku.
