Kancert «Bi-2», jaki byŭ zapłanavaŭ na 12 vieraśnia na stadyjonie «Dynama» ŭ Minsku, pieranosicca. Pra hetaje rašeńnie hrupy AFISHA.TUT.BY stała viadoma ad arhanizataraŭ mierapryjemstva.
Siońnia jany paviedamili, što šou NewBest pieranosicca na 12 červienia 2021 hoda. «Bi-2» źviarnulisia da prychilnikaŭ:
— Darahaja Biełaruś! My nievierahodna zasumavali pa vam i pa pryhožym Minsku — i vielmi chacieli b sustrecca z vami ŭžo na nastupnym tydni. Ale my ź vializnym chvalavańniem nazirajem za tym, što adbyvajecca ŭ rodnaj krainie — i ličym, što ŭ biahučaj situacyi naš kancert budzie niedarečny. Bolš za toje, ciapier my nie možam harantavać biaśpieku kožnaha z 35 tysiač našych hledačoŭ, jakija pavinny naviedać šou NewBest.
Kvitki zastajucca sapraŭdnymi na novuju datu vystupu: mianiać abo viartać ich nie treba. Miesca praviadzieńnia kancerta zastajecca raniejšym — stadyjon «Dynama».
