Da minskaha piacipaviarchovika padahnali kran ź lulkaj i źniali z bałkona čyjści bieł-čyrvona-bieły ściah. Videa zdareńnia źniaŭ karystalnik TUT.BY.
Siońnia z bałkona na vulicy Haja, 15 u Minsku źniali bieł-čyrvona-bieły ściah. Padobna na toje, jaho vyviesili žychary kvatery na trecim paviersie.
— Ściah visieŭ tam kala dvuch tydniaŭ. Siońnia dniom da doma padjechaŭ kran ź lulkaj, ściah źniali. Rabočyja pieradali jaho niejkim ludziam u cyvilnym, — raspavioŭ minčuk, jaki naziraŭ za tym, što adbyvajecca. — U adnym z voknaŭ na pieršym paviersie visić nalepka «jamy97%» — a ź joj što zrobiać, šybu ŭnačy razabjuć, ci što?
Niajasna, ci znachodziŭsia ŭładalnik ściaha doma padčas hetaj apieracyi. Vidać tolki, što dźviery z bałkona ŭ kvateru pryadčynieny.
U hetym ža domie znachodzicca ŭčastak dla hałasavańnia №20 Centralnaha rajona Mienska.
U HUUS Minharvykankama TUT.BY dali kamientar pa situacyi na Haja, 15.
— Reahavańnie z boku milicyi było na paviedamleńnie ad hramadzianina ab vyviešanym ściahu. Sa słoŭ zajaŭnika, heta abraziła jaho maralnyja pryncypy i pohlady. Supracoŭniki milicyi vybyli na miesca, źniali ściah. Pa dadzienym fakcie zaraz pravodzicca pravierka ŭ paradku PVKoAP RB, — raspaviała aficyjny pradstaŭnik HUUS Minharvykankama Natalla Hanusievič.
U milicyi nie rastłumačyli, ci jość zabarona na vyviešvańnie bieł-čyrvona-biełaha ściaha ŭ pryncypie.
