Vosiem čałaviek zahinuli ŭ DTZ ź mikraaŭtobusam u Krymie, jaki sutyknuŭsia z hruzavikom, paviedamili tass.ru u pres-słužbie HU MNS Kryma.
Avaryja adbyłasia kala 06:40 u Biełahorskim rajonie na aŭtadarozie «Taŭryda», kala vioski Rusakoŭka.
Pavodle MUS, papiarednie pryčynaj avaryi stała toje, što kiroŭca maršrutki zasnuŭ za rulom.
«Pavodle papiaredniaj infarmacyi, mikraaŭtobus Mercedes-Benz Sprinter, jaki ruchaŭsia ź Biełahorska ŭ Simfieropal, sutyknuŭsia z «Kamazam» z pryčepam, jaki stajaŭ. Na borcie było 15 čałaviek, ź ich vosiem zahinuli. [U aŭtobusie] byli dvoje dziaciej, jany nie paciarpieli», — paviedamili ŭ pres-słužbie.
Pavodle miedykaŭ, kiroŭca mikraaŭtobusa zahinuŭ. Paciarpiełych špitalizujuć u balnicy. Kiroŭca hruzavika nie paciarpieŭ.
Paśla avaryi špitalizavanyja ci to čatyry, ci to šeść čałaviek — infarmacyja ŭdakładniajecca. U ich liku ciažarnaja žančyna 18 hadoŭ. Jašče adnaho nie davieźli da balnicy. Siarod achviar avaryi, pavodle miedykaŭ, jość 17-hadovy padletak.
