Cieła rasijskaha vajskoŭca znajšli na zdymnaj kvatery ŭ armianskim horadzie Hiumry, u jakim raźmieščana rasijskaja vajennaja baza, paviedamlajuć rasijskija ŚMI.
«Pa-za terytoryjaj vajskovaj čaści byŭ znojdzieny vajskoviec kantraktnaj słužby 102-j rasijskaj vajennaj bazy, jaki znachodziŭsia na zdymnaj kvatery ŭ pazasłužbovy čas», — havorycca ŭ paviedamleńni.
Prykmiet hvałtoŭnaj śmierci vyjaŭlena nie było. Pavodle papiarednich źviestak, pryčynaj śmierci vajskoŭca stali «asabistyja abstaviny».
Zaviali kryminalnuju spravu pa artykule «daviadzieńnie da samahubstva».
