Učora stała viadoma, što administratar telehram-kanała «Maja kraina Biełaruś» Siarhiej Biaspałaŭ pakinuŭ terytoryju krainy. Siońnia padčas strymu na jutubie jon raskazaŭ padrabiaznaści svajho adjezdu.

Jak paviedamiŭ Biaspałaŭ, 26 červienia da jaho pryjšli nieviadomyja. Haspadyni doma ŭ Zacani, dzie jon aranduje kvateru, paviedamili, što na arandatara zaviedziena kryminalnaja sprava. Dziakujučy tamu, što aŭtamabil Biaspałava byŭ pryparkavany ŭ inšym miescy, jon paźbiehnuŭ sustrečy ź nieznajomcami. Haspadyni doma jany paabiacali viarnucca ŭviečary.

Błohier pakinuŭ arendnaje žyllo i znajšoŭ ludziej, jakija pieravieźli jaho praź miažu ŭ Maskvu. Paźniej jon palacieŭ u adnu ź jeŭrapiejskich krain.

Paśla jaho adjezdu ŭ kvatery praviali pieratrus.

Aktyvist zapeŭnivaje, što nie źbirajecca prasić palityčnaha prytułku i płanuje viarnucca ŭ Biełaruś da 9 žniŭnia.

Biaspałaŭ padazraje, što incydent 26 červienia moža być źviazany sa spravaj administratara kanała «Biełaruś hałaŭnoha mozhu» Ihara Łosika.

Клас
0
Панылы сорам
0
Ха-ха
0
Ого
0
Сумна
0
Абуральна
0