Pavodle źviestak pravaabaroncaŭ, pa ŭsioj krainie ŭ Dzień Niezaležnaści zatrymali minimum 17 čałaviek, jakija vyjšli na vulicy, kab vykazać svaju niazhodu ź dziejańniami ŭładaŭ u ramkach ciapierašniaj vybarčaj kampanii. Tolki ŭ Breście zatrymali siem čałaviek.

Pavodle aficyjnych danych MUS, 3 lipienia na terytoryi krainy adbyłosia 361 śviatočnaje mierapryjemstva, u jakich uziali ŭdzieł kala 300 tysiač čałaviek. Nadzvyčajnych situacyj i zdareńniaŭ u miescach praviadzieńnia masavych mierapryjemstvaŭ nie było.

«Razam z tym zafiksavanyja adzinkavyja fakty parušeńnia hramadskaha paradku pa-za miescami praviadzieńnia śviatočnych mierapryjemstvaŭ. U asnoŭnym heta drobnaje chulihanstva, parušeńnie patrabavańniaŭ zakona ab masavych mierapryjemstvach. U asobnych vypadkach zatrymanych za ŭčynieńnie supraćpraŭnych dziejańniaŭ dastaŭlali dla razboru ŭ orhany ŭnutranych spraŭ», — havorycca ŭ paviedamleńni viedamstva.

Клас
0
Панылы сорам
0
Ха-ха
0
Ого
0
Сумна
0
Абуральна
0