Alaksandr Łukašenka i prezident, staršynia praŭleńnia «Śbierbanka Rośsii» Hierman Href adkryli ŭ Minsku śviatłomuzyčny fantanny kompleks.

Fantan ustalavali na race Śvisłač u parku imia Janki Kupały. Jon staŭ padarunkam biełaruskaj stalicy da Dnia Niezaležnaści ad «Śbierbanka Rośsii».

Łukašenka ličyć, što z adkryćciom hetaha ŭnikalnaha fantana histaryčnaja nabiarežnaja Śvisłačy zaźziaje novymi farbami, stanie centram pryciahnieńnia dla moładzi, novaj placoŭkaj dla cikavych prajektaŭ.

U svaju čarhu Hierman Href zajaviŭ, što fantan u Minsku ŭnikalny: «Śbierbank Rośsii» raniej nie budavaŭ takija kompleksy na vadzie. «Heta adziny taki fantan u śviecie i pa maštabach, i pa miescaznachodžańni. My nikoli nie rabili fantan na vadzie: heta było technałahična składana, — padkreśliŭ jon. — Vielmi chočacca, kab hety znak ščyrych adnosin, lubovi rasijan da biełarusaŭ karystaŭsia pośpiecham siarod moładzi, minčukoŭ i ciešyŭ usich vas».

Pieršy multymiedyjny fantan za srodki Aščadbanka źjaviŭsia ŭ 2018 hodzie ŭ Pieciarhofie. Ciapier u Rasii pracujuć niekalki padobnych zbudavańniaŭ — u Saratavie, Pieciarhofie, Jarasłaŭli, Kalininhradzie, Uładzimiry, Razani i Varoniežy, paviedamlaje BiełTA.

Клас
0
Панылы сорам
0
Ха-ха
0
Ого
0
Сумна
0
Абуральна
0