Alaksandr Łukašenka pravodzić sustreču sa staršynioj praŭleńnia «Śbierbanka Rasii» Hiermanam Hrefam, piša BiełTA.

«My chočam, jak u savieckija časy, skłaści pieralik inavacyjnych abjektaŭ, jakija my pavinny ŭvieści ŭ novaj piacihodcy. I abaviazkova damovicca pa finansavańniu, kab jany nie pieratvarylisia ŭ daŭhabudy. Ja chacieŭ by z vami abmierkavać šerah hetych prajektaŭ. Kali Śbierbank hatovy ŭdzielničać u hetaj vialikaj spravie, budu tolki rady vitać vas u finansavańni vialikich abjomaŭ našaj ekanomiki», - skazaŭ kiraŭnik dziaržavy.

Alaksandr Łukašenka adznačyŭ, što zaraz syšlisia razam adrazu piać «pandemij», jakija tak ci inakš uździejničajuć na krainu.

Jon adznačyŭ, što ŭsio pačałosia z vuhlevadarodnaj «pandemii», zatym paśledavała pandemija ŭ halinie achovy zdaroŭja, nakłalisia palityčnaja, ekanamičnaja, infapandemija. «Tamu my ŭ hetych pandemijach krucimsia pastajanna, nu a bolš za ŭsio na nas pieravažaje, viadoma, palityka. Vy heta vydatna viedajecie», - skazaŭ kiraŭnik dziaržavy.

Клас
Панылы сорам
Ха-ха
Ого
Сумна
Абуральна