Fota Nadziei Bužan

Fota Nadziei Bužan

Pretendent na pasadu prezidenta Biełarusi Valer Capkała ŭ intervju ria.ru asudziŭ zatrymańnie svajho kankurenta na vybarach Viktara Babaryki i zaklikaŭ biełaruskija ŭłady da «sumlennaj hulni».

Na pytańnie, ci možna razhladać jak paśladoŭnyja źviony adnaho łancuha zatrymańni błohiera Siarhieja Cichanoŭskaha i Viktara Babaryki, Capkała skazaŭ, što «prynamsi, heta vyhladaje tak».

«Padobna na toje, u vačach bolšaj častki nasielnictva Biełarusi heta vyhladaje, jak źviony adnaho łancuha», — skazaŭ Capkała.

«My asudžajem zatrymańnie (Viktara Babaryki)», — skazaŭ Capkała i dadaŭ, što takaja jahonaja acenka padziej vyciakaje ź jahonaj «pryncypovaj pazicyi ŭ pytańniach tak zvanych ekanamičnych złačynstvaŭ», jakoj jon prytrymlivaŭsia i raniej, jašče na pasadzie kiraŭnika administracyi PVT.

Клас
0
Панылы сорам
0
Ха-ха
0
Ого
0
Сумна
0
Абуральна
0