Žonka papularnaha palityčnaha błohiera i patencyjny kandydat u prezidenty Śviatłana Cichanoŭskaja dała svajo pieršaje intervju. Hutarka ź joj źjaviłasia ŭ efiry rasijskaha telekanała «Dožd́».

Cichanoŭskaja vykazała ŭpeŭnienaść, što jaje inicyjatyŭnaja hrupa źbiare nieabchodnuju kolkaść podpisaŭ, ale, jak adreahuje CVK, jana nie viedaje.

Cichanoŭskaja adznačyła, što jaje muža nielha nazvać «biełaruskim Navalnym», bo ŭ Siarhieja Cichanoŭskaha svoj unikalny farmat.

Taksama Cichanoŭskaja prakamientavała znachodžańnie ŭ ich na dačy 900 tysiač dalaraŭ padčas pieratrusu.

Na pytańnie, ci padkinuli hetyja hrošy Siarhieju Cichanoŭskamu, Śviatłana patłumačyła, što nie moža hetaha śćviardžać.

«Ja vielmi sumniavajusia ŭ tym, što jon moh zarabić hetyja hrošy. (…) Kali b byli takija hrošy — u siamji ci ŭ Siarhieja, — to napeŭna jon by nie zmahaŭsia za niejkija pravy prostaha naroda», — skazała Śviatłana Cichanoŭskaja.

Клас
1
Панылы сорам
1
Ха-ха
0
Ого
0
Сумна
0
Абуральна
0