Siońnia prychilniki videabłohiera Siarhieja Cichanoŭskaha ładziać pikiety pa zbory podpisaŭ u 30 haradach. Źbirajuć podpisy i inšyja alternatyŭnyja kandydaty — Viktar Babaryka, Valeryj Capkała.

U Minsku podpisy za Śviatłanu Cichanoŭskuju źbirajuć u tradycyjnym miescy, kala ŭvachoda ŭ Kamaroŭski rynak, na vulicy Viery Charužaj. U Breście — kala kinateatra «Biełaruś». U Homieli — kala ŭniviermaha «Homiel».

Pa stanie na 13.10, pavodle padlikaŭ pravaabaroncaŭ, u pikiecie na Kamaroŭcy brali ŭdzieł 1350 čałaviek.

U toj ža čas u rehijonach čerhi, kab padpisacca za alternatyŭnych kandydytaŭ, pa-raniejšamu biesprecedentnyja.

Pikiety adbyvajucca taksama ŭ šmatlikich małych haradach — ad Łuninca (kala «Jeŭraopta» na Błoka, 2) i Naroŭli (la parka, kala «Biełarusbanka») na poŭdni da Haradka (kala ŭniviersama) na poŭnačy i Dobruša (na nabiarežnaj) na ŭschodzie.

Karta anansavanych pikietaŭ pa haradach jość u internecie tut.

15:54

Na pikiecie kala Kamaroŭki ludziej stała mienš, adnak u čerhach pa raniejšamu stajać sotni ludziej.

14:20

14:00

Adzin z udzielnikaŭ pikieta zrabiŭ prapanovu ruki i serca svajoj siabroŭcy.

13:35

Nieviadomyja čamuści akuratna skłali bruk kala miesca praviadzieńnia pikietaŭ na Kamaroŭcy. Pobač stajali ludzi ŭ cyvilnym. Jak tolki da ich padyšli žurnalisty, ludzi ŭ cyvilnym syšli, a kamieńnie vynieśli.

13:24

Pravaabaroncy naličyli na Kamaroŭcy ŭžo kala 1350 udzielnikaŭ.

U čarzie na pikiet Cichanoŭskaj kala 200 čałaviek, kala pikieta Kazłova — 80, Babaryki — 40, Capkały — 25, Dźmitryjeva — 5, Čeračania — 5.

13:20

Pikiety siońnia prachodziać nie tolki ŭ Minsku, ale i ŭ inšych haradach krainy. Voś takija pikiety, naprykład, prachodziać u Połacku i Breście.

13:11

Za apošnija chviliny daŭžynia čerhaŭ z achvotnych padpisacca vyrasła. U pryvatnaści, u čarzie na pikiet Cichanoŭskaj stajać kala 90 čałaviek.

13:02

Na Kamaroŭcy da stałoŭ Viktara Babaryki stajać u čarzie prykładna 40 čałaviek, da Capkały — 15. Da Kazłova z Abjadnanaj hramadzianskaj partyi — 70. Da Cichanoŭskaj vialikich čerhaŭ niama, bo podpisy źbirajuć adnačasova za 10 stałami, ale ludzi ŭvieś čas padychodziać da ich.

12:38

12:25

Tak pikiet prachodzić u Baranavičach.

12:20

12:15

Ludziej na siońniašnim pikiecie kala Kamaroŭki pakul što značna mienš, čym było na papiarednich akcyjach u vychadnyja dni.

Na płoščy pierad rynkam znachodziacca ludzi ŭ cyvilnym, vakoł miesca pikietu staić śpiectechnika ź siłavikami.

12:07

Mitynh kala Kamaroŭki prachodzić u farmacie «adkrytaha mikrafona».

12:00

Na pikiecie kala Kamaroŭskaha rynku ŭ Minsku źjaviŭsia palityk i piśmieńnik Pavieł Sieviaryniec. Jon pačaŭ pramaŭlać ź miehafonam.

11:56

Pikiety Cichanoŭskaj prachodziać siońnia ŭ mnohich haradach krainy: Brest, Hrodna, Minsk, Baranavičy, Ščučyn, Lida, Pinsk, Łuniniec, Stoŭbcy, Maładziečna, Słuck, Salihorsk, Marjina Horka, Varapajeva, Dokšycy, Barysaŭ, Krupki, Babrujsk, Połack, Navapołack, Śvietłahorsk, Mazyr, Naroŭla, Žłobin. Homiel, Dobruš, Mahiloŭ, Orša, Viciebsk, Haradok.

11:48

11:44

Stała viadoma ab zatrymańni niepasredna pierad pikietam adnaho ź siabraŭ inicyjatyŭnaj hrupy Śviatłany Cichanoŭskaj. Jaho imia Aleh Babroŭski.

Na padjeździe da rynku supracoŭniki DAI spynili člena inicyjatyŭnaj hrupy, jaki jechaŭ na pikiet. Mužčynu zabrali ŭ miascovaje RUUS.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?