U rasparadžeńni «Našaj Nivy» akazałasia daviedka ab vynikach ministerskaj pravierki ŭstanoŭ achovy zdaroŭja Viciebska, jakaja daje razumieńnie ab realnym stanie rečaŭ u hetym horadzie na pačatku pandemii.

Pravierka prachodziła z 30 sakavika pa 10 krasavika. U Viciebsk, zhodna z zahadam Minzdaroŭja ad 27.03.2020 №355 vyjechali:

  • Juryj Horbič — zahadčyk kafiedry infiekcyjnych chvarobaŭ BiełMAPA
  • Volha Jesmančyk — hałoŭny pazaštatny śpiecyjalist pa ambułatorna-palikliničnaj dapamozie
  • Iryna Bołdyrava — hałoŭny pazaštatny śpiecyjalist pa ekśpiertyzie jakaści akazańnia miedycynskaj dapamohi
  • Maryna Masiuk — zahadčyk arhanizacyjna-mietadyčnaha adździeła Mahiloŭskaj abłasnoj kliničnaj balnicy
  • Ivan Žylcoŭ — zahadčyk kafiedry piersanalizavanaj i dokaznaj miedycyny fakulteta padrychtoŭki i pierapadrychtoŭki kadraŭ VDMU
  • Natalla Akulič — dacent kafiedry infiekcyjnych chvarob VDMU. 

Jany praviarali hetyja abjekty: 

  • Hałoŭnaje ŭpraŭleńnie achovy zdaroŭja Viciebskaha abłvykankama;
  • Viciebskaja haradskaja centralnaja paliklinika;
  • Filijały palikliniki №1, 2, 3, 4, 5, 6, 7;
  • Viciebski abłasny kliničny stamatałahičny centr;
  • Infiekcyjnaja kliničnaja balnica;
  • Čyhunačnaja balnica;
  • Haradskaja balnica chutkaj miedycyskaj dapamohi;
  • 1-ja kliničnaja balnica;
  • Haradski skurna-vienierałahičny dyspansier;
  • Viciebskaja haradskaja centralnaja kliničnaja balnica (na bazie supraćsuchotnaha dyspansiera). 

Da jakich vysnovaŭ pryjšli revizory? U teście dakumienta kanstatujucca aburalnyja fakty pra krajniuju niezabiaśpiečanaść viciebskich balnic i paliklinik. 

Adrazu ž adznačajecca, što «va Upraŭleńni achovy zdaroŭja adsutničaje videasuviaź z arhanizacyjami achovy zdaroŭja Viciebska, nie pravodziacca narady ź Viciebskaj farmacyjaj, miedtechnikaj dla rašeńnia arhanizacyjnych biahučych pytańniaŭ. 

U suviazi z hetym u HUAZ adsutničaje praŭdzivaja infarmacyja ab najaŭnaści na składach srodkaŭ indyvidualnaj achovy i faktyčnaj patreby ŭ ich u arhanizacyj [..]». 

«Častkova vypraŭlena», — reziumuje pa vyniku skančeńnia pravierki praź niekalki sutak staršynia kasimii Ivan Žylcoŭ (čyrvonym tekstam u dalejšych skrynšotach buduć jahonyja tłumačeńni ab vynikach vypraŭleńnia zaŭvah). 

Kiepskaja situacyja z kisłarodnaj razvodkaj — joj na toj momant mahli zabiaśpiečyć tolki tracinu chvorych. 

Dalej idzie sumnaja kanstatacyja:

«Adździaleńni intensiŭnaj terapii i reanimacyi ŭ vyšejzhadanych stacyjanarach, za vyklučeńniem HKBSMP, znachodziacca ŭ vartym žalu techničnym stanie (pabitaja plitka, paciortaja farba na ścienach, dzirki ŭ ścienach, prykmiety praciahłaj adsutnaści ramontu, arhanizacyja adździaleńniaŭ reanimacyi ŭ nieprystasavanych i sumieščanych ź inšymi adździaleńniami pamiaškańniach)», —

 

«Va ŭsich stacyjanarach, akramia HKBCHMD, adznačajecca vialiki deficyt miedycynskaha abstalavańnia (niedastatkovaja kolkaść aparataŭ štučnaj vientylacyi lohkich (dalej — ŠVŁ) (mnohija ź jakich maralna i technična sastareli, i nie adpaviadajuć sučasnym patrabavańniam, što pradjaŭlajucca dla pacyjentaŭ z vostrym reśpiratornym dystres-sindromam)», — havorycca ŭ materyjałach pravierki.

Pravierka pryvodzić vypadki biezadkaznaści: «Pry naviedvańni 07.04.2020 palikliniki №2 adsutničaŭ miedycynski rabotnik u chole pieršaha paviercha dla praviadzieńnia tiermamietryi i raźmierkavańnia płyni pacyjentaŭ. Sa słovaŭ administracyi — adyšła. U naściennym dazatary adsutničaŭ antysieptyk».

A taksama adznačaje prablemy va ŭzajemadziejańni ź milicyjaj: 

Razam z hetym, u dakumiencie adznačajecca arhanizavanaja rabota pa kansultavańni sastarełych pacyjentaŭ, pacyjentaŭ z chraničnymi chvarobami, dastaŭka im vałanciorami i miedykami lekaŭ dadomu. 

Ale ŭsio ž kamisija mieła metaj nie pachvalić, a znajści chiby. 

«U kožnaj paliklinicy majucca infikavanyja miedrabotniki, uklučajučy hałoŭnaha doktara palikliniki №4 i dvuch zahadčykaŭ adździaleńniaŭ VHCP», — heta pryvodzicca jak vynik «niedastatkovaha razumieńnia, aproč infiekcyjanista, praviłaŭ pravilnaha karystańnia srodkami indyvidualnaj achovy».

U kancy daviedki idzie doŭhi śpis vysnovaŭ i prapanoŭ. 

Čytajcie taksama: Novyja ličby ź Viciebska pralivajuć śviatło na «Vialikuju biełaruskuju karanavirusnuju statystyčnuju anamaliju»

Tryvožnaja situacyja ŭ Viciebsku pačała składvacca prykładna ź siaredziny sakavika. Da kanca miesiaca, va ŭmovach adsutnaści karancinnych abmiežavańniaŭ i jasnaj infarmacyi ŭ dziaržaŭnych ŚMI, jana nabyła charaktar epidemii. Lik vyjaŭlenych pnieŭmanij u horadzie, a paśla i vobłaści pajšoŭ spačatku na sotni, a paśla na tysiačy. Usiaho, pavodle infarmacyi abłasnych uładaŭ, za krasavik u Viciebskaj vobłaści było vyjaŭlena kala 5000 virusnych pnieŭmanij.

Za pieryjad epidemii ŭ horadzie zaraziłasia kala 1500 miedykaŭ. Bolšaść ź ich praciahvaje chvareć, tolki 308 pakul viarnulisia da pracy.

Kolkaść pamierłych ad pnieŭmanij u Viciebsku i vobłaści zastajecca nieviadomaj, hetaj statystyki ŭłady nie publikavali.

U adroźnieńnie ad mnohich inšych krain, Biełaruś nie zaličvaje chvorych na virusnyja pnieŭmanii ŭ statystyku zaražanych karanavirusam aŭtamatyčna. Miž tym tak robić, naprykład, Kitaj, pačynajučy ad 12 lutaha. U Biełarusi i karanavirusnyja, i niekaranavirusnyja pnieŭmanii lečać razam — i heta łahična ŭ dadzienaj situacyi. Ale pry hetym pnieŭmanii nie zaličvajuć u statystyku karanavirusa i śmiarotnaści ad jaho.

* * *

Vy možacie ananimna dasłać važnuju infarmacyju abo ŭ telehram-bot «Našaj Nivy», abo ŭ bot telehram-kanała HARBACEVIČ

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?