Biełaruś abmiarkoŭvaje z Rasijaj karekciroŭku ŭmoŭ kredytu na BiełAES, dakumienty na stadyi ŭzhadnieńnia, paviedamiŭ namieśnik ministra enierhietyki Biełarusi Michaił Michadziuk siońnia na videabryfinhu, piša BIEŁTA.

«U suviazi sa zrušeńniem terminaŭ uvodu pieršaha i druhoha enierhabłokaŭ siońnia z rasijskim bokam pravodzicca rabota pa karekciroŭcy ŭmoŭ kredytnaha pahadnieńnia — jak pa terminach (hrašovych srodkaŭ), tak i pa terminach zrušeńnia pahašeńnia kredytu, pa ŭmovach pracentnaj staŭki. Razumieńnie z rasijskaha boku jość, ale dakumienty jašče nie padpisany», — zajaviŭ Michaił Michadziuk.

«Finansavańnie budaŭnictva atamnaj stancyi idzie ŭ płanavym paradku, bieź jakich-niebudź abmiežavańniaŭ i zatrymak», — dadaŭ namieśnik ministra.

Pavodle jaho słoŭ, dakumienty znachodziacca na stadyi kančatkovaha ŭzhadnieńnia i prachodžańnia ŭnutrydziaržaŭnych pracedur ź biełaruskaha i rasijskaha bakoŭ.

Jak paviedamlałasia, mižuradavaje pahadnieńnie ab pradastaŭleńni rasijskaha kredytu dla budaŭnictva AES, jakoje praduhledžvaje vydzialeńnie da $10 młrd, było padpisanaje 25 listapada 2011 hoda. Srodki vydzieleny dla finansavańnia 90% koštu rabot pa hienkantraktu na budaŭnictva AES. Jašče 10% apłačvaje biełaruski bok.

Клас
Панылы сорам
Ха-ха
Ого
Сумна
Абуральна