Janka Kupała. Vybranyja tvory

«Limaryus», 2020.

Kniha vybranych tvoraŭ Janki Kupały maje na mecie pradstavić čytaču niečakanaha kłasika ŭ sučasnym pračytańni. Vydańnie dapoŭniena litaraturaznaŭčymi kamientarami da kožnaha tvora, karotkim letapisam žyćcia i tvorčaści, miemuarnymi śviedčańniami, nieviadomymi krytyčnymi artykułami. 

Vydańnie adrasavana školnikam, studentam, vykładčykam biełaruskaj litaratury. 

Układalnica — Hanna Sieviaryniec.

 

Uładzimir Karatkievič. Biełaruskaja pieśnia: 100 vieršaŭ. 

«Mastackaja litaratura», 2020.

U knihu kłasika ŭvajšło 100 vybranych tvoraŭ, mnohija ź jakich papoŭnili załaty fond biełaruskaj kultury i vyvučajucca ŭ škole. 

Układalnik — Viktar Šnip.

 

Kandrat Krapiva. Šlach da nieŭmiručaści: uspaminy, ese

«Mastackaja litaratura», 2020.

Čarhovaja kniha sieryi «Žyćcio znakamitych ludziej Biełarusi» pryśviečana pamiaci Kandrata Krapivy. Vydańnie ŭkładziena jaho ŭnučkaj, kandydatam mastactvaznaŭstva Alenaj Atrachovič.

U knizie źmieščany ŭspaminy blizkich Kandrata Krapivy, a taksama tych, chto daśledavaŭ jaho tvorčy i žyćciovy šlach. U vydańni adlustravany małaviadomyja fakty, staronki radavodu, raskryta tvorčaja łabaratoryja piśmieńnika.

 

Francysk Skaryna ŭ dakumientach i śviedčańniach

«Biełaruskaja navuka», 2020.

Vydańnie źmiaščaje ŭsie viadomyja na siońnia dakumienty i materyjały, jakija aśviatlajuć žyćcio i dziejnaść biełaruskaha pieršadrukara Francyska Skaryny i jaho siamji za 1492— 1605 hady. Vydańnie ŭtrymlivaje dakumienty i śviedčańni z archivaŭ Ryma, Vatykana, Padui, Bierlina, Mahdeburha, Prahi, Tršebani, Varšavy, Krakava, Poznani, Maskvy, Vilni, Ryhi.

Adrasujecca śpiecyjalistam, a taksama ŭsim, chto cikavicca historyjaj Biełarusi, losam i tvorčaściu vialikaha Pałačanina.

Układalnik — Aleś Žłutka. 

Kreva: historyja, archieałohija, kulturnaja spadčyna

«Biełaruskaja navuka», 2020.

Źmieščanyja ŭ zborniku materyjały tyčacca prablem bałta-słavianskich kantaktaŭ, historyi Kreŭskaha zamka i miastečka ŭ pieryjad poźniaha Siaredniaviečča i rańniaha Novaha času, padziej Pieršaj suśvietnaj vajny ŭ Krevie, historyi miastečka ŭ mižvajenny pieryjad; asobna pradstaŭleny materyjały, źviazanyja z kniaziem Daŭmontam. 

Układalnik — Aleh Dziarnovič.

 

Fiłamaty i fiłarety: tvorčy los pakaleńnia ŭ historyi i sučasnaści

«Biełaruskaja navuka», 2020.

U zbornik uklučanyja dakłady ŭdzielnikaŭ mižnarodnych navukovych čytańniaŭ «Fiłamaty i fiłarety: tvorčy los pakaleńnia ŭ historyi i sučasnaści (da 200-hodździa ŭtvareńnia tavarystva)», jakija adbylisia ŭ 2017 hodzie.

Układalniki — Ihar Kapyłoŭ, Iryna Bahdanovič.

Zbornik raźličany na šyrokaje koła čytačoŭ.

 

Tafsiry, kitaby i chamaiły z pryvatnych knihazboraŭ Biełarusi

«Biełaruskaja navuka», 2020.

U čas navukovych ekśpiedycyj 2016—2018 h. byli vyjaŭleny zvyš dvuchsot biełaruska-tatarskich rukapisaŭ XVII—XXI stst., što znachodziacca ŭ pryvatnym uładańni na terytoryi Biełarusi. Zrobleny ich elektronnyja kopii, na padstavie jakich apisvajucca dvaccać vosiem najbolš kaštoŭnych dakumientaŭ: dva tafsiry, piatnaccać kitabaŭ, dziesiać chamaiłaŭ i rukapis pad umoŭnaj nazvaj «Asnovy viery».

Układalnik — Michaił Tarełka.

Nabyć heta dy inšyja novyja vydańni i biestsielery možna ŭ kniharni «Akademičnaja kniha» (pr. Niezaležnaści, 72).

 RUP «Akademičnaja kniha» UNP 101462648

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?