«Biełnaftachim» prapracoŭvaje pastaŭku nafty praz polski Hdańsk, paviedamiŭ BiełTA pres-sakratar kancerna Alaksandr Ciščanka.

«Zapracavali paŭnočny i paŭdniovy napramki, u zaviaršalnaj stadyi padrychtoŭki znachodzicca zachodniaja linija (pastaŭki praz Hdańsk). Usio, što patrabujecca dapracavać, užo pastaŭlena ŭ dakładny hrafik realizacyi, uklučajučy pytańni polskaha reviersu i budaŭnictva pieramyčki «Homiel — Horki», — skazaŭ Alaksandr Ciščanka.

Pavodle acenki pres-sakratara, «biełaruskaja naftavaja halina ŭ I kvartale hetaha hoda kraš-test vytrymała». «Pa linii pastavak nafty istotna abnoŭleny partniorski puł, u jakim da rasijskich kampanij dadalisia pastaŭščyki z Azierbajdžana, Narviehii i Saudaŭskaj Aravii. Praciahvajecca praca z amierykanskimi vytvorcami. Siońnia na rynku enierhanośbitaŭ u siłu abjektyŭnych pryčyn prapanoŭ i mahčymaściaŭ bolš čym dastatkova», — rastłumačyŭ jon.

Клас
Панылы сорам
Ха-ха
Ого
Сумна
Абуральна