Praviadzieńnie matčaŭ Bundeślihi pačniecca z 16 maja, paviedamiŭ kiraŭnik futbolnaha adździeła Bild Kryścijan Falk, piša sports.ru

«Novaje rašeńnie: u piatnicu (15 maja) hulniaŭ nie budzie. Bundeśliha pačynajecca ŭ subotu, 16 maja», — napisaŭ Falk u tvitary.

Paźniej infarmacyju paćvierdziŭ hienieralny dyrektar Bundeślihi Kryścijan Zajfiert na pres-kanfierencyi. Adnym ź pieršych matčaŭ 16 maja stanie sustreča dortmundskaj «Barusii» i «Šalkie».

Raniej adnaŭleńnie siezona ŭ Niamieččynie było aficyjna ŭchvalena ŭładami krainy.

U siaredzinie sakavika ŭsie čempijanaty ŭ Jeŭropie byli prypynienyja. Pieršynstvo razyhryvajecca tolki ŭ Biełarusi, a 9 maja startuje čempijanat na Farerach.

Čempijanaty ŭ Niderłandach, Bielhii i Francyi vyrašyli nie adnaŭlać.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?