Fota Nadziei Bužan

Fota Nadziei Bužan

Fejki, raspaŭsiud iłžyvaj infarmacyi z nahody situacyi z karanavirusam u Biełarusi niedapuščalnyja. Takoje mierkavańnie siońnia žurnalistam vykazała staršynia Savieta Respubliki Natalla Kačanava, pieradaje BIEŁTA.

Natalla Kačanava vykazałasia z nahody taho, jak aśviatlajuć situacyju z COVID-19 u Biełarusi niekatoryja zamiežnyja ŚMI. «Fejk, iłžyvaja infarmacyja, jakuju dajuć niekatoryja telekampanii i kanały, — heta prosta niedapuščalna.

Śpikier padkreśliła, što epidemijałahičnaja situacyja ŭ krainie rehulavanaja i kiravanaja. Zychodziačy z hetaha, było vyrašana nie admaŭlacca ad praviadzieńnia śviatočnych mierapryjemstvaŭ da 75-hodździa Vialikaj Pieramohi.

«My nie možam zdradzić pamiaci ludziej, jakija zahinuli, abaraniŭšy svabodu i niezaležnaść našaj krainy, zdradzić vieteranam, jakija kažuć pra toje, što my pavinny adznačać hetaje śviata. Biełarusy pavinny być razam dla taho, kab ušanavać pamiać zahinułych i skazać słovy padziaki, nizka pakłanicca tym, chto abaraniŭ svabodu i niezaležnaść, adnaviŭ krainu ŭ paślavajenny čas», — padkreśliła jana.

Śpikier pryniała siońnia ŭdzieł u videakanfierencyi z kiraŭnictvam parłamientaŭ postsavieckich krain, pryśviečanaj 75-hodździu Vialikaj Pieramohi. Karystajučysia vypadkam, Natalla Kačanava zaprasiła kaleh na śviatočnyja mierapryjemstvy. «U hety znamianalny dla nas dzień my zrobim usio, kab śviata prajšło na samym vysokim uzroŭni», — adznačyła kiraŭnik vierchniaj pałaty biełaruskaha parłamienta.

MZS pazbaviŭ akredytacyi žurnalista rasijskaha «Pieršaha kanała

SAAZ: Minsk nie spravicca z karanavirusam bieź mier dystancyjavańnia

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?