Urad Biełarusi ličyć mahčymymi pastaŭki ŭ respubliku amierykanskaj nafty praz Polšču, abmierkavańnie dadzienaha pytańnia aktyvizujecca paśla źniaćcia karancinu, uviedzienaha z-za karanavirusa na polskaj terytoryi. Pra heta zajaviŭ u čaćvier žurnalistam pieršy vice-premjer Dźmitryj Kruty, piša BiełTA.

«Dumaju, kali karancin budzie źniaty ŭ Polščy, hetaja tema pačnie abmiarkoŭvacca bolš aktyŭna», — pryvodzić jaho słovy ahienctva BiełTA.

Pieršy vice-premjer taksama dadaŭ, što Biełaruś praciahvaje pracu pa pašyreńni alternatyŭnych pastavak nafty, ličačy pierśpiektyŭnym uzajemadziejańnie z Saudaŭskaj Aravijaj i ZŠA.

«Praca z usimi krainami, u jakich my ŭžo naftu nabyli — azierbajdžanskuju, narviežskuju, — i našymi novymi partniorami, takimi jak Saudaŭskaja Aravija i ZŠA, budzie praciahvacca. Biezumoŭna, budziem staracca damahacca maksimalna vyhadnych umoŭ hetych pastavak», — skazaŭ Kruty.

Клас
Панылы сорам
Ха-ха
Ого
Сумна
Абуральна