Mižnarodnyja reziervovyja aktyvy Biełarusi na 1 maja 2020 hoda, pavodle papiarednich źviestak, skłali 7 882,9 miljona dalaraŭ (u ekvivalencie), paviedamlaje Nacbank.

Za krasavik ZVR vyraśli na 96,2 miljona dalaraŭ (na 1,2 pracenta) paśla źnižeńnia ŭ sakaviku na 1 018,4 młn. dalaraŭ (na 11,6 pracenta).

Asnoŭnym faktaram rostu ŭzroŭniu zołatavalutnych reziervaŭ u krasaviku stała kupla zamiežnaj valuty Nacbankam na tarhach biržy. Taksama pavieličeńniu reziervaŭ spryjali rost koštu manietarnaha zołata i pastupleńnie zamiežnaj valuty ŭ biudžet, u tym liku ad prodažu Ministerstvam finansaŭ na ŭnutranym rynku ablihacyj, naminiravanych u zamiežnaj valucie.

U krasaviku 2020 hoda ŭradam i Nacbankam vykanana źniešnich i ŭnutranych abaviazacielstvaŭ u zamiežnaj valucie na sumu kala 317 miljona dalaraŭ.

Zhodna z Asnoŭnymi napramkami hrašova-kredytnaj palityki na 2020 hod abjom mižnarodnych reziervovych aktyvaŭ na 1 studzienia 2021 hoda pavinien skłaści nie mienš za 7,3 miljarda dalaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0