Načalnica adździeła dziaržaŭnaha pratakoła prezidenta Biełarusi Darja Šmanaj taksama nabyła sabie apartamienty ŭ «Alimpik Parku» — elitnym žyłym kompleksie na vulicy Ratamskaj ź vidam na zakaźnik «Lebiadziny».

Darja Šmanaj, fota «UKantakcie»

Darja Šmanaj, fota «UKantakcie»

U susiednim domie, nahadajem, pasialiłasia pres-sakratarka kiraŭnika krainy Natalla Ejsmant.

Čytajcie. Natalla Ejsmant kupiła apartamienty ŭ «Alimpik Parku» za $167 tysiač

Šmanaj i Ejsmant — siabroŭki, jany časta vystaŭlajuć u instahram sumiesnyja zdymki. Žyllo kuplali taksama prykładna ŭ adzin čas — u sakaviku 2019 hoda, z roźnicaj u tydzień.

Darja Šmanaj i Natalla Ejsmant, fota z «UKantakcie» Darji Šmanaj

Darja Šmanaj i Natalla Ejsmant, fota z «UKantakcie» Darji Šmanaj

Płošča trochpakajovaj kvatery Šmanaj — 99,4 mietra. Kvatery ŭ hetym i susiednim damach «Tapas» pradavaŭ pa $1500-1700 za kvadratny mietr. Jašče kala $15 tysiač kaštavała mašynamiesca.

«Alimpik Park», fota Nadziei Bužan

«Alimpik Park», fota Nadziei Bužan

Darja Šmanaj naradziłasia ŭ 1993 hodzie. Jana skončyła BDEU pa śpiecyjalnaści «buchhałtarski ŭlik, analiz i aŭdyt u handli i hramadskim charčavańni». U 2013 Šmanaj pieramahła ŭ konkursie pryhažości «Karaleva Viasna» i nieŭzabavie pačała supravadžać Alaksandra Łukašenku na mierapryjemstvach. Stała aficyjnaj rabotnicaj słužby pratakoła prezidenta.

«Što tyčycca Daški, pra jakuju voś havorka išła, tak ja jaje ŭžo 2 hady viedaju, — raskazvaŭ Łukašenka ŭ intervju Ksienii Sabčak u 2014 hodzie. — Jana pracuje, vielmi prystojnaja dziaŭčyna! Kali b u mianie takaja była dziaŭčyna, nu słuchaj, heta… heta vyšej za dach».

Jakija viadomyja biełarusy stali susiedziami Šmanaj?

«Naša Niva» ŭžo pisała pra eks-kiraŭnika Minščyny i Hrodzienščyny Siamiona Šapiru.

Čytajcie. Siamion Šapira raskazaŭ, jak staŭ haspadarom dźviuch kvater u elitnym «Alimpik Parku» ahulnym koštam kala $250 tysiač

Taksama kvateru nabyła 68-hadovaja Halina Žuraŭkova — lehiendarnaja eks-kiraŭnica spraŭ prezidenta.

U pačatku 2000-ch uznačalvała biznes-impieryju, jakaja padparadkavała sabie cukrovy, tytuniovy i naftavy rynki krainy. U 2004 hodzie Žuraŭkovaj prysudzili 4 hady źniavoleńnia za kradziež $3,6 miljona — ale praz paru miesiacaŭ Łukašenka amnistavaŭ jaje, i jana nazaŭždy źnikła ź biełaruskaha palityčnaha haryzonta.

Halina Žuraŭkova

Halina Žuraŭkova

Ciapier Žuraŭkova nabyła kvateru ŭ elitnym domie na Ratamskaj. Pryčym svaich hrošaj amal nie było, «Tapas» aformiŭ rasterminoŭku na $95 tysiač.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?