Z paniadziełka, 16 sakavika, u Francyi ŭsie dziciačyja sady, małodšyja, siarednija, starejšyja škoły, a taksama ŭniviersitety zakryjucca dla strymlivańnia raspaŭsiudu karanavirusa Covid-19. Navučalnyja ŭstanovy buduć zakrytyja da novaha rasparadžeńnia. Pra heta prezident Francyi Makron abviaściŭ u čaćvier, 12 sakavika, u svaim telezvarocie, paviedamlaje francuzskaje radyjo.

Prezident Francyi zaklikaŭ usich ludziej, starejšych za 70 hadoŭ, usich, u kaho reśpiratornyja zachvorvańni, ludziej ź invalidnaściu pa mahčymaści nie pakidać svaich damoŭ. Usich francuzaŭ jon zaklikaŭ abmiežavać pieramiaščeńni. Hramadski transpart pry hetym budzie praciahvać pracavać.

Makron taksama zaklikaŭ usie pradpryjemstvy pa mahčymaści pieravieści supracoŭnikaŭ na pracu z domu.

Makron padkreśliŭ, što Francyja pieražyvaje samy maštabny sanitarny kryzis za stahodździe (havorka idzie pra pandemiju ispanskaha hrypu 1918-1919 hadoŭ).

Nie byli admienieny municypalnyja vybary, pieršy tur jakich zapłanavany na 15 sakavika.

U apošnija dni virus Covid-19 pačaŭ chutčej, čym raniej, raspaŭsiudžvacca pa ŭsioj Francyi. Da čaćviarha, 12 sakavika, na terytoryi krainy było zafiksavana 2876 vypadkaŭ zaražeńnia. 61 čałaviek pamior ad nastupstvaŭ karanavirusa. 129 znachodziacca ŭ reanimacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0