Pra heta TUT.BY raspaviała aficyjnaja pradstaŭnica Minabarony Natalla Haŭrusik.
Nahadajem, u piatnicu, 6 sakavika, stała viadoma, što ŭ adnoj z vajskovych častak Puchavickaha harnizona ŭnačy špitalizavali 13 vajskoŭcaŭ. Z dyjahnazam «atručeńnie» ich dastavili ŭ Hałoŭny vajskovy kliničny miedycynski centr Uzbrojenych sił u Minsku.
Jak akazałasia, havorka idzie pra vajskoŭcaŭ vajskovaj čaści ŭ Marjinaj Horcy.
— U biełaruskim vojsku niama tradycyi paśviačeńnia, kali navabrancy jaduć tracił. U vajskoŭcaŭ, sapraŭdy, u toj dzień była stralba, ale tolki častka ź ich — 13 čałaviek — adčuli siabie nie vielmi dobra. Jak udałosia vyśvietlić, hetaja hrupa sałdat sapraŭdy pakaštavała vybuchovaje rečyva. Čamu jany heta zrabili, vajskoŭcy nie ŭdakładniajuć, — patłumačyła Natalla Haŭrusik.
Akazvajecca, padobnaja tradycyja jość u rasijskich sapioraŭ, i vypadki, kali vajskoŭcy sprabujuć vybuchoŭku padčas abradu paśviačeńnia, tam byvali.
Vajskoŭcy z Marjinaj Horki da hetaha času ŭ špitali, ich žyćciu pa-raniejšamu ništo nie pahražaje.
Čytajcie taksama. «Moładzievy błok» krytykavaŭ vojska — ich zvazili tudy na ekskursiju, jany byli ŭražanyja REPARTAŽ
