transoil.by

transoil.by

Biełaruś i Rasija nie damovilisia nakont taryfaŭ na tranzit rasijskaj nafty i naftapraduktaŭ pa terytoryi Biełarusi, piša Tut.by sa spasyłkaj na Ministerstva antymanapolnaha rehulavańnia i handlu Biełarusi.

Hetaje viedamstva ŭ Biełarusi i Fiederalnaja antymanapolnaja słužba (FAS) Rasii zajmajucca taryfnym rehulavańniem. Ich siońniašnija pieramovy nie ŭviančalisia pośpiecham.

Zhodna ź mietodykaj, pytańnie ab pamiery taryfaŭ na tranzit rasijskaj nafty i naftapraduktaŭ pavinna być vyrašana orhanami ŭ halinie taryfnaha rehulavańnia dźviuch krain nie paźniej za 15 studzienia.

Kali zrabić hetaha nie atrymajecca, rašeńnie pavinna być pryniata da 1 lutaha.

Raniej Biełaruś prapanoŭvała pavialičyć taryf na prapampoŭku rasijskaj nafty ŭ 2020 hodzie na 16,6%.

Kali FAS i MARH nie dasiahnuć damoŭlenaści, «zhadanyja taryfy indeksujucca ŭ pamiery siaredniehadavoha indeksa spažyvieckich cen na 2020 hod (3,8%), ustalavanaha paramietrami prahnozu sacyjalna-ekanamičnaha raźvićcia RF, pavialičanaha nie bolš čym na 3 pracentnyja punkty, a mienavita na 6,8%».

Rasijskaja «Transnafta», pa słovach jaje pradstaŭnika Ihara Dziomina, užo dała adkaz, što z atrymanaj ad biełaruskich kaleh prapanovaj pa pavyšeńni taryfu nie zhodna.

U vieraśni Biełaruś pavysiła taryf na 3,7%. Adnak hałoŭny inžynier «Homieltransnafta Družba» Andrej Viaryha zajaviŭ, što pavyšeńnie taryfu na prapampoŭku nafty pa «Družbie» na 21% dazvoliła b da kanca 2019 hoda pakryć usie vydatki Biełarusi ŭ suviazi ź incydentam z zabrudžanaj naftaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?