Kryminalnaja sprava ab iłžyvym paviedamleńni pra niebiaśpieku raspačata ŭ Maładziečnie, padazravany zatrymany. Pra heta BiełTA paviedamili ŭ Śledčym kamitecie.

Paviedamleńnie ab «mahčymym vybuchu» ŭ himnazijach №6, 7, 10 i ŭ škole №8 pastupiła 21 śniežnia na liniju 102. Pravaachoŭnyja orhany nieadkładna pryniali miery. Byli evakuiravany 24 vučniaŭ i dva nastaŭniki, jakija znachodzilisia ŭ budynkach. Vybuchovaniebiaśpiečnych pradmietaŭ nie vyjaŭlena.

Supracoŭniki milicyi vyśvietlili, chto zvaniŭ i paviedamlaŭ pra «miniravańnie». Heta byŭ biespracoŭny 50-hadovy miascovy žychar, jaki nabraŭ numar milicyi z mabilnaha telefona.

«Na momant zatrymańnia mužčyna znachodziŭsia ŭ stanie ałkaholnaha apjanieńnia: zafiksavana bolš za 1,9 pramile ałkaholu ŭ vydychanym pavietry. Zaviedzienaja kryminalnaja sprava pa č. 1 art. 340 KK. Pryznačanaja sudova-psichijatryčnaja ekśpiertyza», — raspaviali ŭ SK.

«Padazravany patłumačyŭ, što pryčynaj takoha ŭčynku stała doŭhaje ŭžyvańnie ałkaholu», — prainfarmavali ŭ viedamstvie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?