Kryminalny incydent zdaryŭsia ŭ Mazyry 1 śniežnia pierad zakryćciom načnoha kłuba. La barnaj stojki stajała kampanija, u jakoj znachodziłasia 32-hadovaja dziaŭčyna i jaje znajomy. Ich začapiła para, što prachodziła mima, paviedamlaje pres-słužba milicyi.

Maładyja ludzi aburylisia i ŭsłych vykazali niezadavolenaść. Heta pačuŭ inšy naviedvalnik, jakomu padałosia, što pretenzija ahučana hruba i adrasavana jamu. U vyniku zaviazałasia słoŭnaja svarka.

Na praciahu niekalkich chvilin udzielniki kanfliktu na słovach vyśviatlali adnosiny, pieryjadyčna sprabujučy zładzić bojku. Usio skončyłasia tym, što dziaŭčyna padyšła da kryŭdziciela i raźbiła ab jaho hałavu piŭnuju plašku.

Paciarpieły adrazu ž źviarnuŭsia ŭ milicyju. Pa vynikach pravierki ŭ dačynieńni da mazyranki raspačali kryminalnuju spravu za asabliva złosnaje chulihanstva.

Клас
0
Панылы сорам
0
Ха-ха
0
Ого
0
Сумна
0
Абуральна
0