Skrynšot videa Minabarony

Skrynšot videa Minabarony

Siońnia na palihonie Mulina ŭ Nižaharodskaj vobłaści pačałosia sumiesnyja apieratyŭnyja vučeńni ŭzbrojenych sił Biełarusi i Rasii «Ščyt Sajuza — 2019», paviedamlaje pres-słužba Minabarony.

Pierad vučeńniami była praviedziena hruntoŭnaja padrychtoŭka.

Jak adznačyŭ kiraŭnik vučeńniaŭ načalnik Hienštaba Uzbrojenych sił — pieršy namieśnik ministra abarony Respubliki Biełaruś hienierał-major Aleh Biełakonieŭ, siońnia pačaŭsia pieršy etap.

Złučeńni i voinskija čaści praktyčna buduć adpracoŭvać pytańni pa niedapuščeńni destabilizacyi abstanoŭki ŭ pryznačanych zonach i rajonach adkaznaści, baraćby z dyviersijna-raźviedvalnymi hrupami i niezakonnymi ŭzbrojenymi farmiravańniami, a taksama vykonvać praktyčnyja mierapryjemstvy ŭ chodzie naniasieńnia praciŭnikam masiravanych rakietna-avijacyjnych udaraŭ.

U vučeńniach prymajuć udzieł kala 12 tysiač vajskoŭcaŭ, da 950 adzinak bajavoj techniki, a taksama da 70 samalotaŭ i viertalotaŭ.

 Ad Biełarusi biaruć udzieł kala čatyroch tysiač čałaviek, bolš za 30 tankaŭ, 80 bajavych braniravanych mašyn, kala 50 reaktyŭnych sistem załpavaha ahniu, harmat i minamiotaŭ, a taksama kala 15 samalotaŭ i viertalotaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0