president.gov.by

president.gov.by

Parłamienckija vybary ŭ Biełarusi pavinny prajści ŭ adpaviednaści z zakanadaŭstvam. Na heta Alaksandr Łukašenka źviarnuŭ uvahu, dajučy zhodu na pryznačeńnie kiraŭnikoŭ miascovych orhanaŭ ułady, pieradaje BiełTA.

«U palitycy, ja ŭžo skazaŭ, my pačali zdavać ispyt. Siońniašniaja pieradvybarnaja vakchanalija, inakš jaje nie nazavieš, pierad parłamienckimi vybarami kaža pra toje, što heta prosta repietycyja prezidenckich vybaraŭ. Nam pasprabujuć nie dazvolić spakojna prajści hetyja pieryjady. A my pavinny pravieści tak, jak maje być, — padkreśliŭ Alaksandr Łukašenka. — U krainie kiravanaj, u našaj krainie, dla siabie my pavinny pravieści hetyja vybary. I kali my vyznačylisia, što my budziem dziejničać tak, tak i tak, taktyka takaja, my pavinny jaje prytrymlivacca».

Kiraŭnik dziaržavy źviarnuŭ uvahu, što kali padčas parłamienckaj kampanii buduć krytykavać i nanosić ŭdary pa niejkich ludziach, to heta buduć udary z dalokim prycełam — pa prezidencie. «Tak i adbyvajecca ciapier. Časam bjuć niezasłužana, nieprystojna, niesumlenna, celačy ŭ prezidenta. Ja da hetaha hatovy. Chaču, kab vy byli napahatovie i viedali, što my nie možam dazvolić raschistać krainu. Kamu heta chočacca zrabić, vy viedajecie», - adznačyŭ jon.

Alaksandr Łukašenka dadaŭ, što siońnia ŭsie pytańni — ekanomika ŭ rehijonach, zarobak u pracoŭnych kalektyvach, kadry i žyćcio ludziej u cełym — lahli na plečy miascovych orhanaŭ ułady. «Treba dapamahčy — kažacie», — padkreśliŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0