U Tałačynskim rajonie na aŭtadarozie Orša-Kochanava pablizu vioski Kochanava kala 18:00 zdaryłasia avaryja z udziełam minčuka, jaki znachodziŭsia za rulom VAZ 2107. U vyniku DTZ jon zahinuŭ, paviedamlaje milicyja.

Žychar Minska 78 hadoŭ za rulom aŭtamabila VAZ nie spraviŭsia z kiravańniem i začapiŭ sustrečny aŭtamabil Opel Astra, paśla čaho minčuka vykinuła na sustrečnuju pałasu ruchu. Tam adbyłosia łabavoje sutyknieńnie z Opel Zafira, kiroŭcam jakoha byŭ 44-hadovy žychar Oršy.

U vyniku DTZ piensijanier ź Minska pamior pa darozie ŭ balnicu ad atrymanych traŭmaŭ, a kiroŭca Opel Zafira i jaho pasažyr z traŭmami dastaŭleny ŭ haradskuju balnicu Oršy. Pravodzicca pravierka.

Na miescy zdareńnia pracujuć supracoŭniki DAI, śledča-apieratyŭnaja hrupa. Vyśviatlajucca ŭsie abstaviny zdareńnia.

Клас
0
Панылы сорам
0
Ха-ха
0
Ого
0
Сумна
0
Абуральна
0