Pra heta ŭ intervju haziecie «Respublika» paviedamiŭ namieśnik premjer-ministra Uładzimir Kucharaŭ, piša BIEŁTA.
Pa słovach vice-premjera, ciapier štohadovy rost taryfaŭ na pasłuhi ŽKH nie pieravyšaje $ 5. Hetamu spryjaje źnižeńnie vydatkaŭ u žyllova-kamunalnaj haspadarcy, što ŭ svaju čarhu dazvalaje praktyčna pa ŭsich vidach pasłuh vyjści na ich sabiekošt. Akramia aciapleńnia i haračaha vodazabieśpiačeńnia, biełarusy ŭsie astatnija vidy pasłuh apłačvajuć užo na 100%. Dalej ich pavyšeńnie mahčyma tolki indeksacyjaj, adznačyŭ Uładzimir Kucharaŭ.
Jon nahadaŭ, što ŭ hetym hodzie byli źmienieny padychody da taryfaŭ: «Kali raniej z 1 studzienia ŭzdymali na $ 5 taryfy, to sioleta padzialili pavyšeńnie na dva etapy. Z 1 studzienia ŭźniali na $3,9, a z 1 červienia na aciapleńnie i haračaje vodazabieśpiačeńnie — na $1,1. Bačym, što takuju tendencyju treba praciahvać. na nastupny hod płanujem taksama ŭ dva etapy pavyšać, i prykładna ŭ takoj ža praporcyi».
