Fota Volhi Šukajła
Mižnarodnyja reziervovyja aktyvy Biełarusi na 1 vieraśnia skłali 8 891,0 młn. dalaraŭ ZŠA (u ekvivalencie), paviedamlaje pres-słužba Nacbanka. Heta novy histaryčny maksimum.
Za žnivień 2019 hoda zołatavalutnyja reziervy vyraśli na 263,1 młn. dalaraŭ ZŠA (na 3,0 pracenta) paśla rostu ŭ lipieni 2019 hoda na 337,2 młn. dołaraŭ ZŠA (na 4,1 pracenta). Z pačatku hoda ZVR vyraśli na 24%.
U žniŭni 2019 hoda ŭradam i Nacbankam vykanana źniešnich i ŭnutranych abaviazacielstvaŭ u zamiežnaj valucie na 550 młn. dołaraŭ ZŠA.
Pavieličeńniu ŭzroŭniu zołatavalutnych reziervaŭ u žniŭni spryjali kupla zamiežnaj valuty Nacbankam na tarhach, pastupleńnie srodkaŭ ad prodažu Minfinam i Nacyjanalnym bankam ablihacyj, naminiravanych u zamiežnaj valucie, pavieličeńnie koštu manietarnaha zołata i pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty.
Zhodna z Asnoŭnymi napramkami hrašova-kredytnaj palityki na 2019 hod abjom mižnarodnych reziervovych aktyvaŭ na 1 studzienia 2020 hoda pavinien skłaści nie mienš za 7,1 młrd. dołaraŭ ZŠA.
