Biełarusam pačali dasyłać SMS, u jakich paviedamlajecca pra zaviadzieńnie vykanaŭčaj vytvorčaści. Havorka idzie pra ŭsie zapazyčanaści, jakija ŭvachodziać u kampietencyju sudovych vykanaŭcaŭ, u tym liku pra niavypłatu alimientaŭ abo kredytaŭ, štraf za pieravyšeńnie chutkaści abo raśpićcie śpirtnoha ŭ nienaležnym miescy, piša Tut.by.
Zdymak nosić ilustracyjny charaktar. Fota: pixabay.com.
SMS z paviedamleńniem ab zapazyčanaści pa vykanaŭčych dakumientach atrymlivajuć abanienty A1 i MTS.
Biełarusy, u jakich aformlena niekalki mabilnych numaroŭ, mohuć atrymać adrazu niekalki SMS z paviedamleńniem ab zapazyčanaści. «My pracujem z mabilnymi apieratarami i viedajem, jakija telefony zarehistravanyja na imia i proźvišča daŭžnika. Atrymlivajecca, kali zavodzicca vykanaŭčaja vytvorčaść na peŭnaha čałavieka, praz bazu danych mabilnych apierataraŭ budzie vyznačany śpis jaho mabilnych numaroŭ. Mienavita na hetyja numary buduć iści SMS», — tłumačyli raniej u Miniuście.
Paśla zaviadzieńnia vykanaŭčaj vytvorčaści daŭžniku dasyłajuć z dapamohaj SMS adno z nastupnych paviedamleńniaŭ: «Zaviedziena vykanaŭčaja vytvorčaści, hladzi Rejestr zapazyčanaściaŭ (minjust.gov.by)» albo «U Vas zapazyčanaść, hladzi Rejestr zapazyčanaściaŭ (minjust.gov.by)».
Pry pierachodzie pa spasyłcy, jakaja źmiaščajecca ŭ paviedamleńni, možna ŭ anłajn-režymie atrymać infarmacyju pra zapazyčanaść pa vykanaŭčych dakumientach.
Zapazyčanaść možna apłacić u tym liku ŭ ARIP.
