Pareštki supracoŭnika supiermarkieta, źnikłaha 10 hadoŭ tamu, byli znojdzieny ŭ 46-santymietrovym zazory za marazilnaj kamieraj unutry kramy, piša Daily Mail.
Łary Eli Murylja-Mankada pracavaŭ u supiermarkiecie ŭ štacie Ajova, kali prapaŭ bieź viestak 28 listapada 2009 hoda.
25-hadovy chłopiec, jak paviedamlajecca, prapaŭ bieź viestak paśla svarki z baćkami.
Jon nie viarnuŭsia dadomu i bolš pra jaho ničoha nie čuli.
Palicyja nie mieła nijakich śladoŭ pa spravie na praciahu dziesiacihodździa, pakul cieła nie było znojdziena supracoŭnikami supiermarkieta.
Jany znajšli cieła ŭ 46-santymietrovym zazory pamiž marazilnaj kamieraj i ścianoj.
Pareštki adpravili na analiz DNK, i palicyja zaraz paćvierdziła, što jany naležać Murylja-Mankadu.
Uskryćcio nie pakazała nijakich prykmiet traŭmy, i śmierć ličycca niaščasnym vypadkam.
Murylja-Mankada adpraviŭsia ŭ kramu paśla svarki z baćkami i zalez na ladoŭniu.
Jon trapiŭ u pastku paśla taho, jak niejkim čynam zvaliŭsia ŭ ščylinu za marazilnaj kamieraj.
Huk marazilnaj kamiery moh zahłušyć lubyja kryki ab dapamozie.