ZŠA adnoviać pastaŭki amierykanskich technałahičnych praduktaŭ druhomu pa vieličyni ŭ śviecie vytvorcu smartfonaŭ. Takoje abiacańnie Donald Tramp daŭ staršyni KNR Si Czińpinu na samicie ŭ Osaka, pieradaje Deutsche Welle.

ZŠA spyniajuć technałahičnuju błakadu kitajskaha telekamunikacyjnaha kancerna Huawei — adnaho z najbujniejšych pastaŭščykoŭ abstalavańnia dla mabilnych sietak i druhoha pa vieličyni ŭ śviecie vytvorcy smartfonaŭ. «Ja pahadziŭsia iznoŭ dazvolić prodaž technałahičnych praduktaŭ Huawei», — skazaŭ Tramp na pres-kanfierencyi pa vynikach samitu krain «vialikaj dvaccatki» ŭ Osaka ŭ subotu, 29 červienia.

Takoje abiacańnie Tramp daŭ staršyni KNR Si Czińpin padčas asabistaj sustrečy na palach samitu. Prezident ZŠA adznačyŭ, što amierykanskija kampanii, jakija pastaŭlajuć Huawei kamplektujučyja, byli niezadavolenyja zabaronaj na supracoŭnictva z hetym kitajskim kancernam.

Raniej Tramp unios Huawei ŭ čorny śpis, abviaściŭšy jaho pahrozaj dla biaśpieki ZŠA. Tym samym jon mocna abmiežavaŭ dziełavyja apieracyi amierykanskich pradpryjemstvaŭ z kitajskim kancernam. Na pres-kanfierencyi pa vynikach samitu G20 Donald Tramp skazaŭ, što kančatkova pytańnie ab Huawei pavinna być vyrašana na handlovych pieramovach pamiž ZŠA i Kitajem.

Na sustrečy ŭ Osaka Tramp i Si Czińpin damovilisia adnavić pieramovy z metaj ŭrehulavańnia handlovaha kanfliktu pamiž ZŠA i KNR, ad jakoha pakutujuć ekanomiki nie tolki dźviuch krain, ale i ŭsiaho śvietu.

Клас
0
Панылы сорам
0
Ха-ха
0
Ого
0
Сумна
0
Абуральна
0