Alaksandr Łukašenka nakiravaŭ vinšavańnie junakam i dziaŭčatam krainy z Dniom moładzi, piša BIEŁTA.

Kiraŭnik dziaržavy nazvaŭ pradstaŭnikoŭ moładzi samoj inicyjatyŭnaj, talenavitaj i metanakiravanaj častkaj hramadstva, jarkimi ździajśnieńniami jakoj hanarycca i zachaplajecca ŭsia Biełaruś.

«Značnyja adukacyjnyja i navukovyja prajekty, paśpiachovyja startapy, spartyŭnyja miedali, pieramohi na tvorčych konkursach pastajanna paćviardžajuć, što vy znachodziciesia na pravilnym šlachu. A ŭ krainie robicca ŭsio mahčymaje, kab u žyćcio uvasablalisia vašy samyja śmiełyja mary», — adznačyŭ Łukašenka.

Ciapierašniamu maładomu pakaleńniu paščaściła naradzicca i vyraści ŭ suvierennaj dziaržavie, pabudavanaj na tryvałym padmurku šmatviakovaj historyi biełaruskaha naroda. «Jaho hieraizm padčas Vialikaj Ajčynnaj vajny źjaŭlajecca asablivaj staronkaj hetaha letapisu. Praź niekalki dzion my adznačym znakavuju datu — 75-hodździe vyzvaleńnia Biełarusi ad hitleraŭskich zachopnikaŭ, — padkreśliŭ Alaksandr Łukašenka. — U hady lichalećcia vašy ravieśniki zmahalisia za Radzimu ź nievierahodnaj mužnaściu, samaaddanaściu i patryjatyzmam. Ich układ u ahulnuju pieramohu nad fašyzmam sapraŭdy vielizarny».

Sučasnuju moładź možna ličyć hodnymi naščadkami i pradaŭžalnikami słaŭnych tradycyj hieraičnaha pakaleńnia. «U žyćci zaŭsiody jość miesca podźvihu, navat pad mirnym niebam. Pierakanany, svaimi novymi dasiahnieńniami vy jašče nie raz ździvicie sučaśnikaŭ i nazaŭždy ŭvojdziecie ŭ historyju rodnaj krainy», — kanstatavaŭ Łukašenka.

Kiraŭnik dziaržavy pažadaŭ pradstaŭnikam maładoha pakaleńnia nievyčerpnaj enierhii, upeŭnienaści ŭ svaich siłach i ŭdačy va ŭsich pačynańniach.

Клас
0
Панылы сорам
0
Ха-ха
0
Ого
0
Сумна
0
Абуральна
0