Ahulnaja škoda ad zabrudžvańnia nafty ŭ trubapravodzie «Družba», pa asabistaj acency ministra enierhietyki Rasii Alaksandra Novaka, moža skłaści nie bolš za $100 miljonaŭ, paviedamlaje TASS.
«Pa maich acenkach ekśpiertnych, ale jany nie paličanyja, možna skazać, što ahulnaja situacyja, jakaja zapatrabuje niejkich kampiensacyj, jana moža być mienšaj za $100 miljonaŭ dakładna. Ale budziem ličyć bolš kankretna. Pa fakcie. Tut šmat u čym heta ad kamiercyjnych pieramoŭ [zaležyć]», — skazaŭ Novak.
Ministr dadaŭ, što praciahvajecca rabota pa vyśviatleńni pamieru ahulnaj škody ŭ vyniku zabrudžvańnia naftapravoda «Družba», ale raźličvaje, što hetaja praca budzie zavieršana ŭ najbližejšy čas.
«U presie pišuć roznyja ličby, jany vyklikajuć vielmi šmat pytańniaŭ. Adkul hetyja ličby biarucca? Ale, viadoma, heta nie miljardy dalaraŭ, i navat nie sotni miljonaŭ dalaraŭ», — dadaŭ Novak.
Jon dadaŭ, što pastaŭki kandycyjnaj rasijskaj nafty pa trubapravodzie «Družba» pavinny całkam adnavicca ŭ kancy maja — pačatku červienia.
