Ułady San-Francyska zabaranili palicyi i inšym viedamstvam vykarystoŭvać sistemy raspaznańnia tvaraŭ u horadzie, paviedamlaje The New York Times.

Pastanova haradskoj rady zabaraniaje vykarystoŭvać jak samu technałohiju, tak i infarmacyju, atrymanuju sa źniešnich sistem, jakija vykarystoŭvajuć technałohiju. Pry hetym zabarona nie paŭpłyvaje na sistemy raspaznańnia tvaraŭ, jakija vykarystoŭvajuć pryvatnyja kampanii.

Haradskija viedamstvy abaviazany atrymać adabreńnie, pierš čym nabyvać novyja techničnyja srodki nazirańnia. Im dazvolili praciahvać vykarystoŭvać abstalavańnie, jakoje ŭ ich užo jość, uklučajučy palicejskija kamiery i sčytvalnik numarnych znakaŭ.

Can-Francyska staŭ pieršym amierykanskim horadam, dzie vyrašyli admovicca ad technałohii, jakuju vykarystoŭvaje palicyja dla pošuku padazravanych.

Arhanizacyi, jakija vystupajuć za hramadzianskija svabody, aścierahajucca, što ŭrad moža złoŭžyvać technałohijaj i vieści tatalnaje sačeńnie za hramadzianami.

Клас
Панылы сорам
Ха-ха
Ого
Сумна
Абуральна